Menni Pakýao bilen Barriosyň arasyndaky titul söweşi deňme-deň tamamlandy

  • 20.07.2025 14:04
  • 6.5k+
Menni Pakýao bilen Barriosyň arasyndaky titul söweşi deňme-deň tamamlandy

Sekiz agram derejesinde öňki dünýä çempiony Menni Pakýao Las-Wegasda amerikaly Mario Barrios bilen söweşdi.

Söweş 12 raund dowam edip, deňme-deň tamamlandy.
Şeýlelikde, 46 ýaşynda karýerasyny dikelden Pakýao 30 ýaşly Barriosdan ýarym orta agramda Bütindünýä boks geňeşiniň (WBC) çempiony titulyny alyp bilmedi.
Pakýao sekiz agram derejesinde çempion bolan ýeke-täk boksçydyr. Ol özüniň soňky söweşini 2021-nji ýylyň awgust aýynda geçiripdi. Şol wagt Bütindünýä boks assosiasiýasynyň (WBA) dünýä çempiony tituly üçin söweşde emin agzalarynyň karary bilen kubaly Ýordenis Ugasdan ýeňildi.
Umuman alanyňda, karýerasynyň dowamynda boksçy 62 ýeňiş gazandy, sekiz gezek ýeňildi, ýene iki söweş bolsa deňme-deňlikde tamamlandy.
Barriosyň hasabynda professional ringde 29 ýeňiş, üç ýeňliş we bir deňme-deňlik bar.

Naoýa Inoueniň indiki garşydaşy ýeňilmedik meksikaly söweşiji Alan Pikasso bolar
19.09.2025 20:07
7.6k+

Naoýa Inoueniň indiki garşydaşy ýeňilmedik meksikaly söweşiji Alan Pikasso bolar

Ikinji has ýeňil agramda (55,3 kg çenli) absolýut dünýä çempiony Naoýa Inoue (31 ýeňiş, 27-si nokaut bilen) 27-nji dekabrda Er-Riýadda söweş geçirer. Bu barada The Ring neşiri habar berdi. Ýaponiýaly boksçynyň garşydaşy 25 ýaşly ýeňilmedik meksikaly söweşiji Alan Pikasso bolar (32 ýeňiş, 17-si nokaut bilen)...

Krouford iň gowy boksçylaryň reýtinginde Aleksandr Usikden öňe geçip, birinji orny eýeledi
16.09.2025 20:02
5.8k+

Krouford iň gowy boksçylaryň reýtinginde Aleksandr Usikden öňe geçip, birinji orny eýeledi

The Ring žurnaly boýunça amerikaly boksçy Terens Krouford agram derejesine garamazdan (p4p) dünýäniň iň gowy boksçylarynyň reýtinginde birinji orna çykdy. 14-nji sentýabrda Krouford emin agzalarynyň biragyzdan karara gelmeginde meksikaly Saul “Kanelo” Alwaresi ýeňip, ikinji orta agramda (76,2 kg çenli) absolýut dünýä çempiony titulyna eýe boldy...

Naoýa Inoue absolýut çempion adyny gorady. Ol Murojon Ahmadaliýew bilen söweşdi
15.09.2025 15:12
7.2k+

Naoýa Inoue absolýut çempion adyny gorady. Ol Murojon Ahmadaliýew bilen söweşdi

14-nji sentýabrda Nagoýada (Aýti prefekturasy, Ýaponiýa) ikinji iň ýeňil agramda (55,2 kg çenli) absolýut dünýä çempiony ady ugrunda söweş geçirildi. Ringe titulyň häzirki eýesi ýaponiýaly Naoýa Inoue bilen özbegistanly boksçy Murojon Ahmadaliýew çykdy...

Krouford meksikaly Kanelodan üstün çykyp, üç agram derejesinde ilkinji absolýut çempion boldy
14.09.2025 15:37
8.1k+

Krouford meksikaly Kanelodan üstün çykyp, üç agram derejesinde ilkinji absolýut çempion boldy

14-nji sentýabrda Las-Wegasdaky Allegiant Stadium arenasynda (Newada ştaty, ABŞ) professional boks agşamy geçirildi. Ikinji orta agramda (76,2 kg çenli) jedelsiz dünýä çempiony tituly ugrunda bolan esasy söweşde meksikaly Saul “Kanelo” Alwares bilen amerikaly Terens “Bad” Krouford duşuşdy...