Ukrainaly boksçy Aleksandr Usik agyr agramda absolýut dünýä çempiony ady üçin söweşde britaniýaly Daniel Dýubuany ýeňdi. Londonyň Uembli stadionynda geçen söweş bäşinji raundda nokaut bilen tamamlandy.
Usik Bütindünýä boks assosiasiýasynyň (WBA), Halkara boks guramasynyň (IBO), Bütindünýä boks guramasynyň (WBO) we Bütindünýä boks geňeşiniň (WBC) wersiýalary boýunça agyr agramda dünýä çempiony titullaryny gorady we Halkara boks federasiýasynyň (IBF) guşagyny gaýtadan eýeledi.
Bu Usik bilen Dýubuanyň arasynda ikinji söweş boldy. 2023-nji ýylda ukrainaly boksçy dokuzynjy raundda nokaut bilen ýeňiş gazandy.
Usik 38 ýaşynda. Ol professional karýerasynda 24 söweşiň ählisinde ýeňdi (15-isi nokaut bilen). 2024-nji ýylyň maýynda Usik britaniýaly Taýson Fýuriden üstün çykyp, soňky 25 ýylda agyr agramda ilkinji absolýut dünýä çempiony boldy. Soňra ol hökmany dalaşgär horwatiýaly Filip Hrgowiç bilen guşagyň goragyny geçirip bilmänsoň, IBF-niň guşagyny boşatmaly boldy. Netijede, Dýubua Horwatiýanyň wekilini tehniki nokaut bilen ýeňip, erkin tituly aldy.
27 ýaşly Dýubuanyň hasabynda 22 ýeňiş (21-isi nokaut bilen) we üç ýeňliş bar.
