ChatGPT-de şekil döretmek üçin "Stiller" funksiýasy işe girizildi

  • 19.07.2025 17:51
  • 2.7k+

OpenAI kompaniýasy ChatGPT-ä täze “Stiller” funksiýasyny goşdy, ol ulanyjylara deslapdan gurnalan dokuz sany görnüşden şekilleriň bezegini saýlamaga mümkinçilik berýär. Täzelenme eýýäm ähli ulanyjylara elýeterlidir.

Funksiýany ulanmak üçin “Şekil döretmek” düwmesine basmaly we “Stiller” bölümini saýlamaly. Elýeterli görnüşler: “Anime”, “Kiberpank”, “Kelläniň dramatik ak-gara suraty”, “Fotosessiýa”, “Reňklemek”, “80-nji ýyllaryň glamury”, “Retromultfilm”, “Ar-nuwo” we “Sintweýw”.
Täze opsiýa tekst görnüşinde bildirilen talaplar we ulanyjynyň şekilleri bilen işleýär. Ulanyjy diňe isleýän mazmunynyň beýanyny girizmeli, şondan soň ulgam degişli stilistik ülňini awtomatiki ulanar. Aslynda “Stiller” şekilleri döretmegi ýeňilleşdirýän taýýar promtlardyr. Internetde innowasiýa eýýäm resmi däl görnüşde "ýaltalar üçin funksiýalar" adyny aldy diýip, BleepingComputer belleýär.
ChatGPT-niň şekil döretmekde, Grok ýa-da Midjourney ýaly beýleki hyzmatlar bilen deňeşdirilende, has köp wagt alyp biljekdigi bellendi. Şeýle-de bolsa, teksti şekillerde görkezmek bilen baglanyşykly dowam edip gelýän meselelere garamazdan, model şekilleri has ygtybarly takyklyk bilen we teksturany hakykata golaý edip berýär.
Şuňa meňzeş döretmek stilini saýlamak funksiýalary beýleki enjamlarda, şol sanda Samsung enjamlaryndaky Galaxy AI-da we Apple-iň Playground programmasynda hem bar.


düýn 09:38
1.3k+

Samsung täze Galaxy XR garniturasyny hödürledi: Apple-yňkydan iki esse arzan we Gemini bilen işleýär

Samsung kompaniýasy Galaxy XR garyşyk hakykat garniturasyny – Apple Vision Pro-nyň  Android-e esaslanýan bäsdeşini hödürledi. Garnitura Google we Qualcomm bilen hyzmatdaşlykda döredildi. Onuň bahasy 1800 dollar bolup, bu ýakynda hödürlenen M5 çipli Apple Vision Pro-dan ($3500) iki esse diýen ýaly arzandyr...

23.10.2025 13:02
3.8k+

Hytaýda emeli aňyň kömegi bilen 1600 ýyllyk söýgi golýazmasy dikeldildi

Pekin uniwersitetiniň alymlary emeli aňyň kömegi bilen, takmynan, 1600 ýyl mundan ozal meşhur hytaý kalligrafy Wan Sýançži tarapyndan ýazylan söýgi barada gadymy golýazmany dikeltdi. Bu barada South China Morning Post habar berýär...

23.10.2025 09:48
844

Windows 11 ekranyňyzda bolup geçýän zatlary eşider we yzarlar

Microsoft operasion ulgamynyň 40 ýyllygynyň şanyna Windows 11 üçin uly emeli aň täzelenmesini taýýarlaýar. Täze mümkinçilikler diňe Copilot Plus kompýuterlerinde däl, eýsem ähli goldanylýan enjamlarda elýeterli bolar diýip, The Verge habar berýär...

18.10.2025 23:35
1.4k+

YouTube-da täze EA gürleýän adamyň dodagynyň hereketini dublýaž bilen gabat getirer

YouTube gürleýän adamyň dodagynyň hereketini wideonyň awtomatik terjimesine gabat getirmäge mümkinçilik berjek emeli aň tehnologiýasyny synagdan geçirýär. Ol EA-nyň kömegi bilen sesi awtomatik başga dile geçirýän dublýaž funksiýasynyň üstüni ýetirer...