Pixar studiýasynyň YouTube kanalynda “Bökegenler” (“Hoppers”) animasion filminiň tizer-treýleri hödürlendi. Multfilmiň 2026-njy ýylyň 6-njy martynda çykmagyna garaşylýar.
Sýužet täze oýlap tapyşyň kömegi bilen öz aňyny mehaniki samyra oturdýan Meýbl atly gyz barada gürrüň berýär. Bu keşpde ol haýwanlar bilen tanyşmak we olara has gowy düşünmek üçin ýabany tebigata ugraýar.
Wideoda gahrymanyň haýran galyjylyk bilen özi üçin täze dünýäni açyşy, guşlaryň diline düşünip, beýleki samyrlar bilen kölde ýüzüp başlaýşy görkezilýär. Şeýle-de, ol ene aýy bilen ýüzbe-ýüz bolup, ýerli “howuz düzgünlerini” bilýär: ýyrtyjylar tutup bilen islendik haýwanyny iýip bilýär.
Filme Deniel Çong režissýorlyk etdi. “Ol emosional, hakyky we giň gerimli bolar. Ýöne men komediýanyň hem ýokary derejede bolmagyny isledim” – diýip, režissýor belledi.
Baş gahrymanlara Paýper Kurda, Bobi Moýnihen we Jon Hemm ses berdi.
