Raýan Gosling we Uill Ferrell täze “Bet oglanlar” (“Tough Guys”) ekşn-komediýasyna gatnaşar.
Deadline neşiriniň maglumatlaryna görä, film Amazon MGM Studios tarapyndan çykarylar.
Sýužet jenaýat işlerinde ulanylyp, taşlanmakdan bizar bolan iki ýoldaş barada gürrüň berer. Gahrymanlar öz durmuşyny üýtgetmek, biriniň gözegçiliginden çykmak we öz düzgünleri boýunça hereket etmek kararyna gelýär.
Filmiň prodýuserleri Open Invite Entertainment-den Gosling we Jessi Henderson, şeýle-de Gloria Sanchez Productions-dan Ferrell we Jessika Elbaum bolar. Ýerine ýetiriji prodýuserler hökmünde Trewor Engelson we Aaron Folbe çykyş eder.
Taslamanyň režissýory heniz belli däl, häzir gepleşikler dowam edýär. Şeýle-de, aktýorlar düzümine başga kimiň gatnaşjakdygy we filmiň haçan düşürilip başlanjakdygy habar berilmeýär.
Ýakyn geljekde Raýan Goslingi Amazon MGM Studios-yň “Awe Mariýa” taslamasy” fantastiki komediýasynda hem görmek bolar, onuň çykmagy 2026-njy ýylyň 20-nji martyna meýilleşdirilýär. Uill Ferrell hem bu studiýa tarapyndan döredilýän “Kyýamat güni” filmine gatnaşar.
