Sensor Tower analitik platformanyň berýän maglumatlaryna görä, ChatGPT-niň ulanyjylary, köplenç, çat-bot bilen programma kodunyň işlenip düzülişi boýunça habarlaşýarlar - bu kategoriýa ähli ýüz tutmalaryň 29%-ini düzýär. Gözlegiň temalar boýunça bölünen infografikasyny Visualcapitalist portaly neşir etdi.
Emeli aň kodlaşdyrmak meselelerini ýönekeýleşdirmekde, dürli programmirleme dillerinde düzedişleri düzmekde we awtomatlaşdyrmakda işjeň ulanylýar.
Meşhurlykda ikinji ýerde soraglaryň 15%-ini düzýän taryh we jemgyýeti öwreniş boýunça gözlegler durýar. Emeli aň we maşyna öwretmek bilen baglanyşykly temalar üçünji orny eýeledi (14%).
Ykdysadyýet, maliýe we salgyt boýunça soraglar dördünji orunda durýar (13%). Ulanyjylar bazarlar, paýnamalar we makroykdysady tendensiýalar bilen gyzyklanýar.
Galan kategoriýalar aşakdaky ýaly paýlandy:
- güýmenje soraglary - 8%
- okuw materiallary - 7%
- tehniki temalar - 5%
- hukuk - 4%
- syýasy - 3%
- daşky gurşaw we howa - 2%.
Iki ýyldan hem az wagtyň içinde ChatGPT-niň aýlyk işjeň ulanyjylarynyň sany 500 milliona ýetdi.
