77-nji “Emmi” telewizion baýragynyň guramaçylary 2025-nji ýylda baýraga dalaşgärleri yglan etdi. Bu barada Variety habar berýär.
Iň köp nominasiýany “Bölünişik” (Разделение, 27) we “Kinostudiýa” (23) seriallary aldy. Taslamanyň ikisi-de Apple TV+ akym hyzmatynda çykdy. “Ak lotos” (Белый лотос) serialy hem 23 nominasiýa eýe boldy. Şeýle-de, öňdebaryjylaryň hatarynda “Bizden biri” (The Last of Us, 16 nominasiýa), “Hile” (Хитрости, 14), “Ýetginjeklik döwri” (Переходный возраст, 13) we “Aýy” (Медведь, 13) bar.
Associated Press nominasiýalaryň umumy sany boýunça HBO Max akym hyzmatynyň öňdebaryjydygyny belleýär. Onda çykan taslamalar dürli kategoriýalarda jemi 142 gezek dalaşgär görkezildi. Ikinji orunda Netflix (120), üçünji orunda Apple TV+ (79) gelýär.
- “Iň gowy drama serialy” baýragy üçin “Andor”, “Diplomat”, “Bizden biri”, “Jennet”, “Pitt hassahanasy”, “Bölünişik”, “Haýal atlar” we “Ak lotos” bäsleşer.
- “Iň gowy komediýa serialy” kategoriýasynda “Ebbot” başlangyç mekdebi”, “Aýy”, “Hile”, “Hiç kim muny islänok”, “Bir binadaky ölüm”, “Terapiýa”, “Kinostudiýa”, “Kölegede näme işleýäris” görkezildi.
- “Drama serialynda iň gowy aktýor” kategoriýasynda “Emmi” üçin Sterling K. Braun (“Jennet”), Geri Oldman (“Haýal atlar”), Pedro Paskal (“Bizden biri”), Adam Skott (“Bölünişik”), Noa Uaýli (“Pitt hassahanasy”) dalaş edýär.
- “Drama serialynda iň gowy aktrisa” kategoriýasynda Keti Beýts (“Metlok”), Şeron Horgan (“Uýalar Garwileriň dildüwşügi”), Britt Lauer (“Bölünişik”), Bella Remzi (“Bizden biri”), Keri Rassell (“Diplomat”) görkezildi.
- “Iň gowy mini-serial ýa-da antologiýa” kategoriýasynda dalaşgärleriň arasynda “Ýetginjeklik döwri”, “Gara aýna”, “Nägehanlar: doganlar Menendesiň hekaýaty” we “Pingwin” ýaly seriallar hödürlenýär.
Dalaşgärleriň doly sanawyny şu ýerde görüp bilersiňiz.
