Galaxy S25 Ultra 2025-nji ýylyň iň gowy smartfony boldy

  • 17.07.2025 14:30
  • 5.3k+

Tom’s Guide neşiriniň bilermenleri 2025-nji ýylyň iň gowy on smartfonynyň reýtingini düzdi. Sanawda öňdebaryjy Galaxy S25 Ultra boldy. Bilermenleriň pikiriçe, umumy aýratynlyklary boýunça onuň bilen deňleşip biljek ýok.

Smartfon 6,9 dýuýmlyk AMOLED displeýi, Snapdragon 8 Elite çipseti we dört sensorly kamera bilen üpjün edildi. Esasy kemçilikler ýokary baha we Qi2 simsiz zarýad standartyny goldamazlygy boldy.
Ikinji orunda iOS smartfonlarynyň arasynda iň gowusy diýlip saýlanan Apple iPhone 16 Pro Max ýerleşdi. Ol Super Retina XDR OLED ekranyna, A18 Pro prosessoryna we suratyň hili üçin ýokary bahalara eýe boldy. Kemçilikleriň hatarynda haýal zarýad almagy we EA tehnologiýalaryny girizmekde yza galmagy görkezildi.
Üçünji orny Google Pixel 9 Pro eýeledi. Smartfon emeli aň mümkinçilikleriniň giňligi bilen tapawutlanýar we 4700 mA/sag akkumulýatorynyň hem-de energiýa tygşytlaýjy Tensor G4 çipsetiniň netijesinde zarýady uzak saklaýar – synagda 13 sagat 30 minut. Ýöne model umumy iş tizligi we bir zarýad bilen iş wagty boýunça bäsdeşlerinden yza galýar.
Dördünji orny Google Pixel 9a, bäşinji orny OnePlus 13 eýeledi. Soňkusy hil we baha gatnaşygy boýunça iň gowy Android flagmany diýlip atlandyryldy.
Şeýle-de, onluga şu aşakdakylar girdi:

  • iPhone 16;
  • Nothing Phone 3a Pro;
  • Galaxy S25;
  • Motorola Razr Ultra;
  • Galaxy S25 Edge.

düýn 18:31
3.6k+

Samsung 199 ýewrodan Galaxy A17 4G smartfonyny çykardy

Samsung kompaniýasy resmi taýdan Galaxy A17 4G smartfonyny hödürledi. Ol köp babatda Galaxy A17 5G modelini gaýtalaýar, ýöne arzan – Ýewropada baha 199 ýewrodan başlaýar. Täze smartfonda esasy üns köp modeller üçin adaty parametrlere gönükdirildi: uly displeý, sygymly batareýa we döwrebap kamera toplumy...

düýn 18:13
743

Samsung oktýabrda Project Moohan XR garniturasyny hödürlär

Samsung kompaniýasy 21-nji oktýabrda Project Moohan XR garniturasy bilen tanyşdyrar. Bu barada ETNews neşiri habar berýär. Ozal KHBS-de dürli seneler – 29-njy sentýabr we 13-nji oktýabr barada aýdylypdy, ýöne indi sene takyk kesgitlendi...

düýn 18:08
623

Google kompaniýasy Gemini-ni göni Chrome-a birleşdirýär: ol ulanyjylaryň işini aňsatlaşdyrar

Google kompaniýasy macOS we Windows kompýuterlerinde täzelenen Gemini emeli aňyny Chrome bilen birleşdirip başlady. Hyzmat eýýäm ABŞ-da ulanyjylar üçin elýeterli bolup, ýazylmagy talap etmeýär. Täze EA agenti açyk sahypalary we brauzeriň taryhyny görüp biler...

düýn 00:53
1.9k+

Google Discover habarlar lentasyny täzeledi. Indi onda sosial ulgamlardaky ýazgylar peýda bolar

Google kompaniýanyň ykjam programmasyna gurlan we Android enjamlarynda elýeterli Discover hyzmaty üçin giňeldilen funksiýanyň çykandygyny yglan etdi. Bu barada taslamanyň resmi web sahypasynda habar berildi . Google Discover – bu Google mobil programmasyna gurlan habarlar we mazmun lentasydyr...