Apple kompaniýasy birnäçe Mac, iPhone we iPad modellerini goşmak bilen, wintaž we könelişen önümleriniň sanawyny artdyrdy diýip, kompaniýanyň beýanatyna salgylanýan MacRumors habar berýär.
Wintaž enjamlarynyň hataryna korpusynyň şekilinden hem tanalýan 2013-nji ýylyň Mac Pro-sy goşuldy. Bu modeliň satuwy 2019-njy ýylda tamamlanypdy. Şeýle hem sanawa şu aşakdakylar goşuldy:
- MacBook Air 2019,
- 13 dýuýmlyk MacBook Air 2019,
- iMac 2019,
- 11 dýuýmlyk iPad Pro 2018,
- 12,9 dýuýmlyk iPad Pro 2018-iň üçünji nesli,
- 128 Gb ýady bolan iPhone 8.
Wintaž enjamlarynyň sanawynda ozal 64 GB we 256 GB ýady bolan iPhone 8 modelleri bardy.
Mundan başga-da, aşakdaky enjamlar wintaž sanawyndan könelişenleriň kategoriýasyna geçirildi:
- AirPort Express-iň 2-nji nesli,
- AirPort Time Capsule,
- AirPort Extreme (802.11ac).
Apple-iň klassifikasiýasyna görä, wintaž enjamlary satuwy 5-7 ýyl ozal bes edilen enjamlardyr. Olara ygtyýarly hyzmat merkezlerinde diňe zerur bölek şaýlary bar bolan ýagdaýynda hyzmat edip bolýar. Satuwy 7 ýyl gowrak mundan ozal bes edilen enjamlar köne hasaplanýar we olara hyzmat edip bolmaýar.
