46 ýaşly Pakýao ringe gaýdyp gelýär. WBC tituly üçin söweş 20-nji iýulda bolar

  • 15.07.2025 17:54
  • 13k+

Alty agram derejesinde öňki dünýä çempiony Menni Pakýao ýakyn wagtda ringe gaýdyp geler. 20-nji iýulda Las-Wegasda (ABŞ) boks agşamy geçiriler we onda 46 ýaşly filippinli boksçy ýarym orta agramda (66,7 kg çenli) WBC titulynyň eýesi, amerika-meksikaly Mario Barrios bilen duşuşar.

Pakýao häzirki fiziki formasyny görkezip, 30 ýaşly garşydaşyndan guşagy almak niýetiniň çynlakaýdygyny aýtdy.

“Maňa pul gerek däl. Maňa taryh gerek. Men tolgunýaryn we gaýdyp gelmegime begenýärin. Ýene-de çür başa çykmak ýakymly. Men öňküsi ýaly höwesi we yhlasy duýýaryn. Men boksy gowy görýärin. Türgenleşigi, metbugaty, söweş promouşenini, millionlarça muşdagyň meni goldamagyny küýsedim” – diýip, Pakýao aýtdy.

Ol professional ringde 1995-nji ýylda ilkinji gezek çykyş etdi we ilkinji gezek 1998-nji ýylyň dekabrynda iň ýeňil agramda (50,8 kg çenli) WBC guşagyny alyp, dünýä çempiony boldy. Soňra ol ýene bäş agram derejesinde çempion boldy: ikinji iň ýeňil (55,3 kg çenli), ikinji ýarym ýeňil (59 kg çenli), ýeňil (61,2 kg çenli), ýarym orta (66,7 kg çenli) we birinji orta (69,9 kg çenli) diwizionlarda.
Öňümizdäki tutluşyk Menni üçin 2021-nji ýylyň awgustyndan bäri ilkinji çykyş bolar. Şol wagt ol Bütindünýä boks assosiasiýasynyň (WBA) dünýä çempiony tituly üçin göreşde emin agzalarynyň karar bermeginde kubinli Ýordenis Ugasdan ýeňildi.
Pakýao – Barrios söweşi Aşgabat wagty bilen irden sagat 8:00-da başlar.
Bir sagat öň ýene bir esasy söweşde Tim Szýu bilen Sebastýan Fundora duşuşar. Szýu karýerasyndaky ilkinji ýeňlişi üçin garşydaşyndan ar almaga synanyşar. Olar birinji orta agramda WBC-niň dünýä çempiony tituly üçin göreşer.


19.11.2025 09:57
6.5k+

Aleksandr Usik WBO çempiony titulyndan ýüz öwürdi

Ukrainaly boksçy Aleksandr Usik Bütindünýä boks guramasynyň (WBO) dünýä çempiony titulyndan ýüz öwürdi. Bu barada guramanyň metbugat gullugy X sosial ulgamyndaky sahypasynda habar berdi. “WBO agyr agramda guşagyň geljegi bilen baglylykda Aleksandr Usigiň toparyndan resmi habarnama kabul etdi...

16.11.2025 21:44
7.5k+

Entoni Joşua dekabrda YouTube blogeri Jeýk Pol bilen söweşer

Agyr agramda öňki dünýä çempiony Entoni Joşua we amerikaly bloger hem boksçy Jeýk Pol 2025-nji ýylyň 19-njy dekabrynda resmi taýdan söweşer. Ilkibaşda Pol ýeňil agramda WBA-nyň çempiony Jerwonta Dewis bilen duşuşmalydy...

11.11.2025 00:55
22k+

20 ýyldan soň rewanş: Fýodor Ýemelýanenko Kro Kopa garşy ringe çykar

MMA-nyň russiýaly söweşijisi Fýodor Ýemelýanenko 2026-njy ýylda Kro Kop lakamy bilen tanalýan horwatiýaly Mirko Filipowiç bilen söweşjekdigini habar berdi. Söweş boks düzgünleri boýunça geçiriler diýip, ol “Gazeta...

19.09.2025 20:07
8k+

Naoýa Inoueniň indiki garşydaşy ýeňilmedik meksikaly söweşiji Alan Pikasso bolar

Ikinji has ýeňil agramda (55,3 kg çenli) absolýut dünýä çempiony Naoýa Inoue (31 ýeňiş, 27-si nokaut bilen) 27-nji dekabrda Er-Riýadda söweş geçirer. Bu barada The Ring neşiri habar berdi. Ýaponiýaly boksçynyň garşydaşy 25 ýaşly ýeňilmedik meksikaly söweşiji Alan Pikasso bolar (32 ýeňiş, 17-si nokaut bilen)...