Emeli aň Dubaýdaky täze restoranda şef-aşpez wezipesine bellendi

  • 15.07.2025 12:33
  • 6.5k+

Sentýabrda Dubaýda WOOHOO restorany öz işine başlar. Bu ýerde menýunyň we umumy konsepsiýanyň taýýarlanmagyna emeli aň jogap berer diýip, Reuters habar berýär.

Tagamlar adaty aşpezler tarapyndan taýýarlanar, ýöne gerekli önümleri saýlamak, taýýarlanyş usullaryny döretmek işleri, tagamyň bezegi we hatda restoranyň atmosferasy Chef Aiman (AI – emeli aň we man – adam sözleriniň birleşmesi) dil modeline tabşyryldy. Taslamanyň awtorlarynyň maglumatlaryna görä, bu model gastronomiýa boýunça müňlerçe reseptleri we ylmy gözlegleri öwrendi.
Chef Aiman üýtgeşik sazlaşmalary teklip etmek üçin, önümleriň tagamyny, teksturasyny, turşulygyny we beýleki aýratynlyklaryny seljerýär. Ähli tagamlar şef Reýf Osmanyň ýolbaşçylygyndaky hünärmen aşpezler tarapyndan dadylýar we düzedilýär.
Bellenilişi ýaly, model et bölekleri we ýag ýaly adatça zyňylýan önümleri ulanmak bilen hem resept taýýarlap bilýär. Bu iýmit galyndylaryny azaltmaga we aşhananyň ekologiki talabalaýyklygyny ýokarlandyrmaga kömek eder.
Taslama gatnaşýan Gastronaut kompaniýasynyň baş direktory Oýtun Çakyr başlangyjyň maksadynyň aşpezleri çalyşmak däl-de, olaryň döredijilik mümkinçiliklerini giňeltmekdigini belledi.
WOOHOO restorany Dubaýyň iň belli syýahatçylyk sebitleriniň birinde, “Burj-Halifa” diňiniň golaýynda açylar.


düýn 12:06
2.3k+

Gemini «Google Kartalaryň» ähli hereket režimlerinde elýeterli boldy

Google «Google Kartalarda» ýöriteleşdirilen täze nawigasiýa ulgamyny giňden ornaşdyryp başlady. Indi goşundy awtoulag, pyýada, welosiped hem-de şäher jemgyýetçilik ulag ugruny görkezýän ähli režimlerde emeli aň tehnologiýasy Gemini-ni ulanar diýip, 9to5Google ýazýar...

düýn 11:28
1.1k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

23.11.2025 01:01
4.6k+

Pol Makkartni aýdym-sazda emeli aňyň ulanylmagyna garşylyk hökmünde sessiz trek ýazga geçirdi

Öňki The Beatles toparynyň agzasy Pol Makkartni sözsüz we sazsyz, dowamlylygy 2 minut 45 sekunt bolan trek ýazga geçirdi (ýa-da döretdi). Şeýlelik bilen, sazanda ýewropaly kärdeşlerine goşulyp, aýdym-saz pudagynda emeli aňyň (EA) ulanylmagyna garşylyk bildirdi diýip, The Guardian ýazýar...

22.11.2025 14:33
2.5k+

Emeli aň “Time” tarapyndan “Ýylyň adamy” diýlip atlandyrylmaga dalaş edýär

Emeli aň “Ýylyň adamy” adynyň eýesi hökmünde Time amerikan žurnalynyň daşynda peýda bolup biler. Polymarket bukmeker agentligi şeýle ähtimallygy 37% diýip hasaplaýar. Bu ada eýe bolmak mümkinçiligi boýunça ikinji orunda Nvidia kompaniýasynyň baş direktory we esaslandyryjysy Jensen Huang ýerleşýär – 17%...