Gaý Riçi “Ýoldaky jaý” filminiň dowamyny düşürmekden ýüz öwürdi

  • 14.07.2025 11:01
  • 4.5k+

Gaý Riçi “Ýoldaky jaý” (Дом у дороги) uruşly filminiň dowamyny düşürmez. Režissýoryň gitmeginiň sebäbi görkezilmeýär diýip, Variety ýazýar.

Riçi şu ýylyň ýazynda filmiň dowamynyň üstünde işlemäge goşulypdy. Filmde Jeýk Jillenhol we Deýw Batista oýnar. Ssenarini “Ýaramaz ýigitler: Güm bol ýa-da öl” (Плохие парни до конца) filmi bilen tanalýan Uill Bill ýazdy.
“Ýoldaky jaý” 1989-njy ýylyň adybir filminiň remeýkidir. Sýužetiň merkezinde Floridada ýoluň ugrundaky baryň goragçysy durýar, ol howply adamlara garşy göreşmeli bolýar. Filmde antagonistiň keşbini UFC-niň öňki çempiony Konor Makgregor ýerine ýetirdi.
Birinji filmi Dag Laýman (“Geljegiň çägi”) düşüripdi. Reliz 2024-nji ýylyň martynda Prime Video platformasynda boldy we bu ýerde film 50 milliondan gowrak tomaşa ýygnap, iň üstünlikli taslamalaryň birine öwrüldi.
Gaý Riçi jenaýat komediýalary we uruşly filmler žanryndaky işleri bilen tanalýar. Ýakynda ol Apple TV+ platformasynda “Baky juwanlygyň çeşmesi” (Источник вечной молодости) mini-serialyny çykardy. Häzir režissýor “Jentlmenler” we “Gangsterlend” seriallarynyň dowamynyň üstünde işleýär.


düýn 16:00
1.5k+

Netflix-iň çykaran filmi ilkinji gezek ABŞ-da prokatyň öňdebaryjysy boldy

Netflix-iň “Keý-pop melgun awçylary” animasion filmi amerikan prokatynda birinji orny eýeledi. Ilkinji dynç günleri film 18-20 mln dollar töweregi gazandy diýip, Variety habar berýär. Adatça Netflix kinoteatr relizlerinden gaça durýar...

düýn 14:29
3.4k+

«Awatar 3-iň» täze kadry peýda boldy. Onda öňki ganhor gaýdyp gelýär

«Awatar: Ot we kül» (Avatar: Fire And Ash) filminiň premýerasy şu ýylyň iň köp garaşylýan kino wakalarynyň biridir. Jeýms Kemeronyň franşizasynyň üçünji bölüminiň 19-njy dekabrda görkezilmegine garaşylýar. Häzirlikçe döredijiler taslama barada bölekleýin maglumatlary paýlaşýarlar...

26.08.2025 14:13
1.8k+

Lego «Willi Wonka we şokolad fabrigi» filmi esasynda toplum çykarar

Lego 1971-nji ýylda çykarylan «Willi Wonka we şokolad fabrigy» filminiň esasynda täze konstruktoryň çykarylýandygyny mälim etdi diýip, HypeBeast habar berýär. Toplum 2025 sany detal bilen düzülip, şokolad şaglawugyny we derýany ýygnamaga mümkinçilik berýär...

26.08.2025 14:03
2.4k+

Warner Bros. basketbolçy Kobi Braýant hakynda film düşürer

Warner Bros. Pictures kompaniýasy basketbolçy Kobi Braýant hakynda film taýýarlamaga girişýär. Variety neşiriniň habar bermegine görä, studiýa onuň durmuşy barada ýazylan deslapky ssenarini satyn alypdy. Filmiň wakalary hakyky durmuş wakalaryna esaslanýar...