Hytaýyň SAIC awtokonserni bilen Germaniýanyň Volkswagen kompaniýasynyň bilelikdäki kärhanasy 2025-nji ýylyň ikinji ýarymynda Hytaýyň Nankin şäherindäki zawodyny doly ýapmagy meýilleşdirýär. Handelsblatt neşiriniň habar bermegine görä, zawodda önümçilik eýýäm togtadyldy. Bu maglumaty kompaniýanyň wekilleri hem tassyklaýarlar.
Zawodyň ýapylmagynyň sebäbi hökmünde Hytaýyň awtoulag bazaryndaky üýtgeýän şertlere uýgunlaşmak zerurlygy görkezilýär. Volkswagen kompaniýasynyň beren maglumatyna görä, SAIC Volkswagen kärhanasynyň önümçilik mümkinçilikleriniň ep-esli bölegi elektromobil öndürmäge uýgunlaşdyrylýar.
Nankindäki zawod baradaky gürrüňe gelende bolsa, hünärmenler bu desganyň täzeden ýöriteleşdirilmeginiň gaty gymmat düşjekdigini belleýärler. Zawod ilatly sebite, şäheriň merkezine ýakyn ýerde ýerleşýär, bu bolsa onuň döwrebaplaşdyrylmagyny çäklendirýär.
