Huawei kompaniýasy Pura 80 we Pura 80 Pro smartfonlarynyň halkara wersiýalaryny hödürledi. Enjamlar displeý aýratynlyklary we kamera konfigurasiýasy bilen biri-birinden tapawutlanýar.
Esasy modeliň ekrany 6,6 dýuým, Pro wersiýasynyňky bolsa 6,8 dýuým. Iki enjamyň ekrany hem Kunlun Glass-yň ikinji nesil gorag aýnasy bilen örtülen we 1-den 120 Gs-e çenli adaptirlenýän täzeleniş ýygylygyny hem-de 3000 nitlik iň ýokary ýagtylygy goldaýar.
Bu hataryň esasy aýratynlygy – reňkleriň has takyk geçirilmegini üpjün edýän RYYB reňk süzgüçli 50 megapiksellik esasy kamera moduly boldy. Kamera bir dýuýmlyk sensor bilen enjamlaşdyrylan, bu hem has köp ýagtylygy kabul edip, pes ýagtylykda düşürilýän suratlaryň hilini ýokarlandyrýar.
Huawei Pura 80 modelinde 12 megapiksellik periskop we 13 megapiksellik ultra giňburçly obýektiw bar. Pro wersiýasynda bolsa modullar degişlilikde 48 we 40 megapiksel çözgütli bolup durýar.
