Ispaniýanyň ýaşaýjysy Mariýa Hose Fuster ýumurtga goýmak üçin niýetlenen bulgurlaryň dünýäde iň uly kolleksiýasyny ýygnady. Ginnesiň rekordlar kitabynyň maglumatlaryna görä, onuň kolleksiýasynda 15 485 sany şeýle predmet bar.
Fuster kolleksiýa ýygnamak bilen 50 ýyldan gowrak wagt bäri meşgullanýar. Onuň kolleksiýasyna nagyşly bulgurlar, haýwanlaryň, mysal üçin, atlaryň şekilindäki predmetler, şeýle-de Garfild, Supermen we Betti Bup ýaly gahrymanlaryň şekilleri bolan modeller girýär.
Foster ähli eksponatlary öz blogunda görkezip, olaryň her biri barada maglumat berdi. Aýratyn blogda bolsa kolleksiýany doldurmaga kömek eden adamlary sanap geçdi.
2023-nji ýylyň iýul aýynda onuň ýygyndysy dogduk şäheri Kampodaky jemgyýetçilik merkezinde, sergide hödürlendi. Bu kolleksioner üçin ilkinji uly sergi boldy. Häzirki wagtda onuň kolleksiýasyndan 1143 bulgur muzeýde ýerleşdirildi.
