Samsung 2025-nji ýylyň dördünji çärýeginde eplenýän üç ekranly smartfony çykarmagy meýilleşdirýär. Bu barada sarp ediş elektronikasy bölümçesiniň başlygy Ro The Mun The Korea Times neşiri bilen söhbetdeşlikde habar berdi.
Onuň aýtmagyna görä, topar gurluşy we onuň ulanyjy aýratynlyklaryny optimizirlemegiň üstünde işjeň işleýär.
“Biz gurluşy kämilleşdirmäge çalyşýarys, ýöne ady heniz tassyklanmadyk. Gutarnykly çözgüt çykaryşa golaý kabul ediler” – diýip, Ro aýtdy.
Smartfonyň üç ekranynyň bolmagy ony ykjam gurluş we planşet ýaly dürli formatda ulanmaga mümkinçilik berer. Tehnologiýa Galaxy Z Fold we Flip modellerinden soň, kompaniýanyň çeýe displeýleri ösdürmekde nobatdaky ädimi bolar. Üç ekranly gurluş baradaky habar Samsung-yň bu eplenýän smartfonlarynyň täze hatary anons edilenden soň ertesi gün peýda boldy.
Android Authority-nyň maglumatlaryna görä, Samsung-yň içindäki ady getirilmeýän çeşme gurluşyň eýýäm köpçülikleýin önümçilige taýýardygyny aýtdy. Bu relize taýýarlygyň ahyrky tapgyrydygyny görkezýär.
Modeliň tanyşdyryljak senesi we tehniki aýratynlyklary barada entek maglumat ýok.
