11-nji iýuldan dünýä kinoteatrlarynda Jeýms Gannyň “Supermen” filmi görkezilip başlandy. Bu režissýoryň gözegçilik etmegindäki täzelenen DC kinoäleminiň ilkinji filmidir.
Film Klark Kentiň ýaşlygy we onuň gahryman hökmünde kemala gelşi barada gürrüň berýär. Ol öz şahsyýetiniň iki tarapyny – supergahrymany we adaty adamy utgaşdyrmaly bolar. Şeýle-de, ol özüniň zalym duşmany Leks Lýutor bilen ýüzbe-ýüz bolmaly bolar.
Baş keşbi Dewid Korenswet ýerine ýetirdi. Filme Reýçel Brosnahen, Nikolas Holt, Izabella Mersed hem gatnaşdy.
Ozal Los-Anjelesde çäklendirilen premýera geçdi. Sosial ulgamlarda eýýäm tomaşaçylaryň we žurnalistleriň ilkinji garaýyşlary peýda boldy. Deslapky synlar oňyn boldy. Film “ýiti”, “täsirli” we “umytlandyryjy” diýlip atlandyryldy.
Kino tankytçysy Rendi Jons filmi “müňýyllykda polatdan Adam barada iň gowy film” diýip atlandyrdy.
Käbir tankytçylar filme ortaça baha berdi. Käbirleri bolsa, Jeýms Gannyň çak edişi ýaly, Supermeniň immigrantyň metaforasydygy baradaky ideýany kabul etmedi.
