Apple AirPods nauşnikleri TWS-garnituralarynyň segmentinde iň köp satylýan model boldy. Apple korporasiýasy simsiz nauşniklaryň dünýä bazarynda öňdebaryjy bolmagyny dowam etdirýär. Oňa bazaryň tas dörtden bir bölegi degişli diýlip, Counterpoint Research gözleg kompaniýasynyň hasabatynda aýdylýar.
Analitikleriň çaklamasy boýunça, 2025-nji ýylyň jemi boýunça Apple-iň bu bazarda paýy 21%-e barabar bolar. Ikinji orny 8% bilen Xiaomi, üçünji orny, takmynan, 5% bilen boAt hindi brendi eýelär. Samsung we JBL kompaniýalary, degişlilikde, 5%-den we 4%-den az paý bilen aşaky orunlarda ýerleşer.
Bilermenleriň pikiriçe, Apple bu segmentde öňdebaryjy öndüriji bolup galar. Ýylyň ahyryna çenli kompaniýa täze AirPods Pro 3 modelini hödürlär. Onuň hem ýokary islegden peýdalanmagyna garaşylýar.
Hünärmenleriň hasaplamalaryna görä, bazaryň ösüşi üçin esasy şert bahasy 50 dollardan gymmat bolmadyk nauşnikler bolar. Umuman, çaklamalar boýunça, 2025-nji ýylda TWS-gurluşlaryň bazary 3% ýokarlanar. Uzak möhletleýin geljekde onuň azyndan 2028-nji ýyla çenli durnukly ösmegine garaşylýar.
