Galaxy Unpacked tanyşdyrylyş dabarasynda Samsung kompaniýasy täze eplenýän Galaxy Z Flip7 we Galaxy Z Flip7 FE smartfonlaryny hödürledi.
Galaxy Z Flip7 flagman modeliniň esasy aýratynlygy ulaldylan daşky displeý boldy – indi onuň diagonaly öňki 3,4 dýuým bilen deňeşdirilende 4,1 dýuým boldy. Ekran korpusyň ýokarky panelini doly tutýar. Içki AMOLED 2X displeýi hem 6,7 dýuýmdan 6,9 dýuýma çenli ulaldy.
Model Exynos 2500 prosessory bilen üpjün edildi. Operatiw ýat – 12 GB, içki – 256 ýa-da 512 GB.
Akkumulýator sygymy 4000-den 4300 mA/sag çenli artdyryldy we öndüriji munuň bütin gün işjeň işlemäge ýeterlikdigini aýdýar. Model öňki kameralar toplumyny saklap galdy. Esasy kamera Dual Pixel ulgamy we optiki durnuklaşdyrma bilen 50 Mp bolup, 12 Mp ultra giňburçly kamera onuň üstüni ýetirýär. Frontal kamera – 10 Mp.
Gurluş üç reňkde: gara, gök we täze gyrmyzy reňklerde elýeterli bolar.
Kompaniýanyň ilkinji “arzan” eplenýän smartfony Galaxy Z Flip7 FE-niň bahasy azyndan 899 dollar bolar.
Ol 3,4 dýuým daşky we 6,7 dýuým içki displeýe, Exynos 2400 prosessoryna, 8 GB operatiw we 128 ýa-da 256 GB içki ýada eýe boldy. Akkumulýator sygymy – 4000 mA/sag. Smartfonyň korpusy IP48 ülňüsi boýunça goralýar, üstki panel we yzky gapak Gorilla Glass Victus 2 aýnasyndan ýerine ýetirildi.
Gurluş goşa esasy kamera eýe boldy: awtofokus we optiki durnuklaşdyrma bilen 50 MP esasy modul, şeýle-de 12 Mp ultra giňburçly kamera. Frontal kamera – 10 Mp.
Smartfon gara we ak reňklerde elýeterli.
Galaxy AI platformasy hem täzelendi. Indi ol ekranyň mazmunyny seljerip, kamera arkaly obýektleri tanap we wideoda fon sesini aýryp bilýär.
Bahalar:
- ·Galaxy Z Flip7 12/256 GB - $1,099
- ·Galaxy Z Flip7 12/512 GB - $1,219
- ·Galaxy Z Flip7 FE 8/128 Gb - $899
- ·Galaxy Z Flip7 FE 8/256 GB - $959.
