Hytaýda Photon Matrix atly enjam döredildi. Bu enjam çybynlary üç millisekundyň dowamynda tapyp, aralygy kesgitläp, lazer arkaly ýok edýär diýip, «New Atlas» neşiri habar berýär.
Işläp düzüjileriň maglumatlaryna görä, enjam bir sekuntda 30-a çenli çybyny ýok edip bilýär. Ulgam adamlar ýa-da öý haýwanlary ýaly uly jandarlary tapawutlandyrmak üçin millimetrlik radardan peýdalanýar. Lazer olary awtomatiki usulda tanaýar, bu bolsa tötänleýin zyýan ýetirmek howpuny peseldýär.
Şol bir wagtyň özünde, Photon Matrix sekuntda bir metrden çalt hereket edýän mör-möjekleri görüp bilmeýär. Bu bolsa enjamyň siňek ýaly has çalt uçýan zyýan berijilere garşy täsirli däldigini görkezýär.
Enjam diwar rozetkasyna birikdirilip işledilýär ýa-da goşmaça daşarky batareýadan güýç alýar. Modeline baglylykda, bir gezeklik zarýad bilen 8 ýa-da 16 sagatlap işläp bilýär.
