Skarlett Ýohanssonyň gatnaşmagyndaky düşürilen filmler döredijilere taryhda islendik beýleki aktýor we aktrisa bilen deňeşdirilende, has köp girdeji getirdi diýip, The Wrap habar berýär.
Ol “iň girdejili” statusyny “Ýura eýýamynyň dünýäsi: Galkynyş” (Мир Юрского периода: Возрождение) filminiň üstünligi netijesinde aldy. Bu film prokatyň ilkinji alty gününde 318 mln dollar gazandy. 2025-nji ýylyň relizleriniň arasynda film diňe “Neçža 2” hytaý animasion filminden yza galdy.
The Numbers-iň maglumatlaryna görä, Ýohanssonyň gatnaşmagyndaky filmleriň umumy kassa ýygymy 14,8 mlrd dollara ýetdi. Olardan 8,7 mlrd dollardan gowragyny dört film üpjün etdi: “Ar alyjylar” filmleri we “Kapitan Amerika: Raýatlyk urşy”. Bu filmlerde aktrisa Nataşa Romanowanyň (Gara dul) keşbini ýerine ýetirdi.
The Numbers-iň wersiýasy boýunça, iň girdejili bäş aktýoryň sanawynda diňe Tom Henks Marvel taslamalaryna gatnaşmady. Şeýle-de, reýtingde Robert Dauni-kiçi, Semýuel L. Jekson we Kris Prett bar – bularyň ählisi super gahrymanlyk franşizasy bilen baglanyşykly.
