Metacritic portaly 2025-nji ýylyň birinji ýarymynda çykan we iň ýokary bahalary alan seriallaryň 20-ligini hödürledi. Sanawa hünärmen tankytçylardan azyndan ýedi syn alan taslamalar girdi.
Reýtingde Netflix-iň alty taslamasy bar. BritBox sanawa üç serial, Apple TV, Hulu we Prime Video bolsa iki serial bilen girdi.
Iň gowy serial Filipp Barantininiň “Ýetginjeklik döwri” (Переходный возраст) drama mini serialy boldy. Ol dört bölümden ybarat.
“Ýetginjeklik döwri” diňe bir aktýorlaryň işi bilen tapawutlanmaýar: bu drama serialynyň her bir bölümi hakyky wagtda bir üznüksiz dubl bilen düşürildi. Netije – häzire çenli Netflix-iň iň uly hitleriniň biri” – diýip, portal belleýär.
Ikinji orunda ýene bir britan dramasy “Ýagşy niýet bilen” (Из лучших побуждений) ýerleşýär. Bu serial hem dört bölümden ybarat. Ol 2023-nji ýylda Bi-bi-side çykdy, ýöne amerikan prokatyna diňe 2025-nji ýylyň fewralynda goýberildi. Serial BAFTA baýragyna dalaşgär görkezildi.
Üçünji orny “Ömürlik seniň bilen” (Навсегда с тобой) eýeledi. Ol Judi Blumyň romanynyň ekranlaşdyrmasydyr. Serial Mara Brok Akil tarapyndan döredildi. Waka 2018-nji ýylda Los-Anjelesde bolup geçýär.
Sanawdaky beýleki taslamalaryň arasynda “Zäherli şäher” (Токсичный город), “Uzak demirgazyga insiz ýol” (Узкая дорога на дальний север), “Kinostudiýa” (Киностудия), “Müň urgy” (Тысяча ударов), “Lýudwig” (Людвиг), “ABŞ-nyň iň bagtly maşgalasy” (Самая счастливая семья США) we “Siziň dostlukly goňşyňyz Möý adam” (Ваш дружелюбный сосед Человек-паук) hem bar.
Doly reýting bilen şu salgy boýunça tanşyp bilersiňiz.
