Bred Pittiň düşen “Formula 1” ýaryş dramasy Apple-iň iň köp girdeji gazanan filmi boldy

  • 08.07.2025 10:57
  • 3.9k+

Bred Pittiň baş keşbi janlandyrmagynda düşürilen “Formula 1” filmi 10 günde 293,6 million dollar girdeji gazandy we Apple Studios-yň dünýä kinoteatr prokatynda iň köp girdeji gazanan taslamasyna öwrüldi diýip, Variety ýazýar.

Film Ridli Skottuň 2023-nji ýylda 221 million dollar girdeji gazanan “Napoleon” taryhy dramasyndan öňe geçdi.
Ondan öň Apple-iň beýleki kinoteatr relizleri känbir üstünlik gazanyp bilmändi: “Gül Aýynyň ganhorlary” (“Убийцы цветочной луны”), “Argaýl: Super içaly” (“Аргайл: Супершпион”) we “Maňa Aýy görkez” (“Покажи мне Луну”) kassa ýygymynda şowsuzlyga uçrapdy.
“Formula 1” öňki ýaryşçy Sonny Heýsi (Pitt) hakda gürrüň berýär, ol ýaş we geljegi uly sürüji Joşua Pirse (keşbini Demson Idris ýerine ýetirýär) tälim bermegi öz üstüne alýar. Filmi goýujy - Jozef Kosinski (Top Gan: Mewerik). Şeýle hem filmde Hawýer Bardem we Kerri Kondon surata düşdi.
Habar beriş serişdeleriniň berýän habaryna görä, filmiň önümçiligine takmynan 300 million dollar sarp edildi. Apple-iň filmiň dowamyny döretmek mümkinçiligine seredýändigi bellendi.


27.10.2025 14:39
1.5k+

Formula-1-iň lideri çalyşdy: Norris şahsy hasapda topardaşy Piastriden geçdi

Meksikada ýerleşýän "Doganlar Rodriges adyndaky awtodrom" ýokary belentlikdäki ýolda Formula-1 dünýä çempionatynyň 20-nji tapgyry — Meksikanyň Gran-prisi geçirildi. Bu ýaryşda «McLaren» toparynyň britaniýaly sürüjisi Lando Norris ýeňiş gazanyp, karýerasynyň iň güýçli çykyşlarynyň birini görkezdi...

26.10.2025 09:40
4.3k+

SportsPro 2025-nji ýylyň iň köp gyzyklanma bildirilýän türgenleriniň reýtingini hödürledi

SportsPro žurnaly 2025-nji ýylyň iň köp isleg bildirilýän türgenleriniň reýtingini hödürledi. Sanawy düzüjiler isleg görkezijisini üç ölçeg: şahsy brendiň güýji, ykdysady mümkinçilikler we elýeterli bazar gurşawy, ýagny öz sport görnüşinde gazanç mümkinçiligi boýunça hasaplady...

20.10.2025 14:04
1.5k+

Werstappen ABŞ-nyň Gran-prisini utup, çempionatda Piastriden aratapawudyny azaltdy

19-njy oktýabrda, ýekşenbe güni Ostindäki Circuit of the Americas ýaryş ýolunda Formula-1 çempionatynyň 19-njy tapgyry – ABŞ-nyň Gran-prisi geçdi. Onda “Red Bulluň” niderlandly sürüjisi Maks Werstappen ýeňiş gazandy...

19.10.2025 16:46
1.5k+

Apple ABŞ-da “Formula-1-i” ýaýlyma bermek üçin 750 mln dollara hukuk satyn aldy

Apple ABŞ-da “Formula-1” ýaryşlaryny ýaýlyma bermek üçin aýratyn hukuk satyn aldy. Bu barada çempionatyň metbugat gullugy habar berýär. Hyzmatdaşlyk barada şertnama bäş ýyl möhlet bilen baglaşyldy. Variety neşiriniň maglumatlaryna görä, şertnamanyň bahasy, takmynan, 750 mln dollar boldy...