Hindistanda dünýäde iň elýeterli elektromobil bolan Yakuza Mini Electric Car-yň satuwy başlandy. Onuň bahasy 275 ýewro barabar.
Ykjam ulag şäher şertleri üçin niýetlenip, eýýäm ýurtdan daşary hem ünsi çekdi. Ol resmi şahadatnama aldy we konsept hökmünde däl-de, yzygiderli çykarylýar. Taslama salgyt ýeňillikleri we FAME-II programmasy arkaly döwlet tarapyndan goldanyldy.
Elektrokar 120-150 km ýoly üpjün edýän LFP akkumulýatory bilen enjamlaşdyryldy. Hojalyk rozetkasyndan zarýad 6-7 sagat wagt alýar. Önümçilik doly derejede ýerli bolup, batareýalar, hereketlendirijiler we elektronika Hindistanda öndürilýär. Bu bolsa ulagyň bahasynyň ep-esli arzan bolmagyna mümkinçilik berýär.
Yakuza Mini dar köçeler we hereketli şäherler üçin niýetlenýär. Ol kurýerler, talyplar we işçiler üçin laýyk gelýär. Awtomobil LED çyrasy, yzky görnüş kamerasy, esasy audioulgam we sanly panel bilen üpjün edildi. Ulag şäher hereketiniň esasy talaplaryna jogap berýär.
