Mitsubishi «Grandis» modelini Renault-nyň platformasynda gibrid krossower görnüşinde täzeden dikeltdi

  • 05.07.2025 19:15
  • 4.1k+

Mitsubishi kompaniýasy täze Grandis krossowerini hödürledi. Bu model 13 ýyllyk arakesmeden soň Ýewropa bazaryna dolanyp gelýär. Öňler miniwen görnüşinde çykarylan Grandis, indi Renault-yň platformasynda gurlan gibrid krossower görnüşinde täzeden döredildi.

Dizaýny boýunça täze model Renault Symbioz-a meňzeş, ýöne öňdäki bamperi, radiator gözenegi we 19 dýuýmlyk tekerleri bilen özboluşly keşbe eýe. Bagažyň göwrümi 434 litrden başlap, oturgyçlar ýygnalanda 1455 litre çenli artýar.
Esasy wersiýasy 140 at güýjüni öndürýän 1,3 litrlik turbohereketlendiriji bilen üpjün ediler. Ol alty basgançakly mehanika ýa-da ýedi basgançakly «robotlaşdyrylan» karobka bilen işleýär. Iň ýokary görnüşlerinde bolsa üç hereketlendirijili gibrid ulgam bolar: 109 at güýjündäki 1,8 litrlik benzinli hereketlendiriji, 49 at güýjündäki elektrohereketlendiriji we 20 at güýjündäki starter-generator.

Elektrik ulgamy 1,4 kWt·sag sygymly litiý-ion batareýadan güýç alýar. Ulgam doly elektrikli, gibrid, energiýany dikeldýän we batareýanyň zarýadyny 40% we ondan ýokary saklaýan E-Save ýaly birnäçe iş tertibini goldaýar.
Grandis modeli häzirki zaman enjamlar bilen üpjün ediler: 10,4 dýuýmlyk ekrany bolan Google hyzmatly media ulgam, ýagtylygyny sazlap bolýan panoramaly üçek, hereket duýujy bilen işleýän elektrikli bagaž gapysy hem-de sürüjä ýardam berýän dürli ulgamlaryň toplumy.
Krossoweriň önümçiligi Renault-yň Ispaniýadaky zawodynda ýola goýlar, Ýewropadaky satuwlary bolsa 2025-nji ýylyň ahyryna çenli başlanar.





19.07.2025 06:33
3.7k+

Mitsubishi maşgala we syýahat üçin ýedi orunlyk Destinator krossowerini döretdi

Mitsubishi kompaniýasy ýedi orunlyk täze Destinator krossowerini hödürledi. Tanyşdyryş Indoneziýadaky GAIKINDO halkara awtoulag sergi jaýynda geçirildi. Bu model Günorta-Gündogar Aziýanyň, Ýakyn Gündogaryň we Afrikanyň bazarlary üçin niýetlenendir we uly maşgalalaryň isleglerini kanagatlandyrmak üçin işlenip taýýarlandy...

09.05.2025 15:53
3.2k+

Mitsubishi 2026-njy ýylyň tomsunda täze elektrokrossower hödürlär

Mitsubishi kompaniýasy 2026-njy ýylyň tomsunda Demirgazyk Amerikada elektromobil bazaryna gaýdyp geler. Täze model ABŞ-da we Kanadada elýeterli bolar. Bu 2017-nji ýylda i-MiEV modeliniň satuwy bes edileni bäri brendiň ilkinji elektromobilidir...

17.04.2025 01:05
8.3k+

Nyrhlaryň ýokarlanmagy sebäpli, iri awtoulag öndürijileri ABŞ-a ibermelerini togtatdylar

Mitsubishi Motors ýapon kompaniýasy hem Volkswagen, Stellantis, Audi we Jaguar Land Rover kompaniýalaryndan soň, ABŞ-a awtoulag ibermegi wagtlaýyn togtatdy. Munuň esasy sebäbi ABŞ-nyň hökümeti tarapyndan girizilen täze gümrük paçlary diýip, «Motor1» neşiri habar berýär...

31.03.2025 20:16
9.3k+

Toyota, Nissan, Honda ... fewralda haýsy ýapon awtoulag ägirdi satuwda öňdebaryjy boldy?

Ýaponiýanyň awtoulag öndürijileri 2025-nji ýylyň fewral aýynyň önümçilik we satuw netijelerini yglan etdiler. Kompaniýalar dürli öndürijilik görkezijilerini görkezdiler. Umuman aýdanyňda, bazar pudagyň global üýtgeýän...