“Lilo we Stiç” remeýki bütin dünýäde 957,6 mln dollar ýygnap, 2025-nji ýylyň iň köp girdeji gazanan golliwud filmi boldy. Ol “Minecraft kinoda” filminden öňe geçdi diýip, Deadline habar berýär.
Film eýýäm altynjy hepde prokatda bolup, 1 mlrd dollar görkezijisine golaýlaýar. Eger kassa ýygymy artmagyny dowam etdirse, ol 2025-nji ýylyň bu çäge ýeten ilkinji filmi bolup biler.
Şol bir wagtyň özünde, ABŞ-nyň içerki bazarynda “Minecraft” öňdebaryjy bolmagynda galýar – onuň bu ýerde kassa ýygymy “Lilo we Stiçiň” 403,7 mln dollary bilen deňeşdireniňde, 423,9 mln dollara barabar. Bular şu ýylda amerikan bazarynda 400 mln dollar görkezijisine ýeten ýeke-täk taslamalardyr.
Neşiriň maglumatlaryna görä, “Lilo we Stiçe” tomaşa edenleriň 60%-den gowragy zenanlar. Köp bazarlarda, şol sanda Fransiýada we Meksikada film 2025-nji ýylda iň köp girdeji gazanan film boldy. Şeýle-de, Latyn Amerikasynda we Meksikada ol taryhda Disney-iň iň üstünlikli live-action kartinasy boldy.
2002-nji ýylyň asyl multfilmi öz döwründe dünýäde 274,7 mln dollar gazandy. Geçen ýyllarda ol Disney+-de hite öwrüldi: ulanyjylar asyl wersiýany we onuň bilen bagly taslamalary görmek üçin 579 mln sagat sarp etdi. Diňe birinji bölüm 306 mln sagat tomaşa ýygnady.
