Britaniýaly boksçy Taýson Fýuri Instagram-da 2026-njy ýylda ukrainaly Aleksandr Usik bilen üçünji gezek söweşjekdigini aýtdy. Onuň sözlerine görä, söweş 18-nji aprelde Londondaky “Uembli” stadionynda geçiriler.
Ozal Saud Arabystanynyň Esasy dynç alyş edarasynyň başlygy Turki Al aş-Şeýh Fýuriniň boksa gaýdyp gelmäge wada berendigini aýtdy. Şeýle-de, ol özüniň Fýuri bilen bilelikde “towşan awlamalydygyny” belledi. Fýuri ozal Usigi öjükdirmek üçin ençeme gezek “towşan” diýip atlandyrypdy. Usik hem bu obrazy kabul etdi we Eminemiň “White Rabbit” aýdymyna salgylanyp, özüni “ak towşan” diýip atlandyryp başlady. Şeýle-de, ukrainaly garşydaşynyň kellesine girip, ony özi barada pikirlenmäge mejbur edip bilýändigini belledi.
Usigiň topary Fýuriniň habaryna entek teswir bermedi, şonuň üçin anons resmi däldir.
Häzirki wagtda ukrainaly boksçynyň Daniel Dýubua bilen söweşi meýilleşdirilen bolup, ol 19-njy iýulda geçiriler.
Fýuri Usikden 2024-nji ýylyň maýynda we dekabrynda iki gezek ýeňildi. Usik agyr agramda absolýut dünýä çempiony boldy, ýöne soň IBF titulyny boşatdy. Indi bu guşak Dýubua degişli.
