Warner Bros. Animation “Pişik” (The Cat in the Hat) multfilminiň ilkinji treýlerini hödürledi. Ol Doktor Sýuzyň adybir ertekisiniň ekranlaşdyrmasydyr. Kinoteatrlarda premýera 2026-njy ýylyň 27-nji fewralyna meýilleşdirilýär.
Sýužetiň merkezinde iki dogana täze şähere öwrenişmäge kömek edýän gürleýän Pişik durýar. Gahrymanlara Bill Heýder (“Ol 2”, “Barri”), Kinta Branson, Mett Berri, Jankarlo Espozito, Amerika Ferrera we beýleki aktýorlar ses berdi.
Animasion taslamanyň režissýorlary “Kung-fu Pandanyň” üstünde işlän Alessandro Karloni we “Borat 2” filminiň ssenarisi bilen tanalýan Erika Riwinoýýa boldy.
“Pişik” ertekisiniň iň belli wersiýasy 2003-nji ýyldaky filmdir. Onda baş keşbi Maýk Maýers ýerine ýetirdi. Film şeýle bir şowsuz boldy welin, Doktor Sýuzyň dul aýaly indi hiç haçan öz adamsynyň ertekileri boýunça çeper filmleriň düşürilmegine ýol bermezlik kararyna geldi.
