Xiaomi-niň HyperOS 3 operasion ulgamy Apple-yň Liquid Glass stilinde çykarylar

  • 03.07.2025 14:54
  • 1.9k+

Xiaomi özüniň operasion ulgamynyň uly täzelenmesini – HyperOS 3-i taýýarlaýar. Täzelenmäniň Xiaomi 16 smartfonlar hatary bilen bilelikde 2025-nji ýylyň oktýabr aýynda hödürlenmegine garaşylýar.

Weibo platformasyndaky Digital Chat Station atly insaýder tarapyndan paýlaşylan maglumatlara görä, HyperOS 3-üň esasy aýratynlyklaryndan biri Liquid Glass stilindäki täze dizaýn bolar. Bu dizaýn üçin Apple-yň iOS 26-syndan ylham alnan bolsa-da, Xiaomi-niň özüne mahsus usul bilen ýerine ýetirilýär.
Esasy üýtgeşmeleriň hatarynda dolandyryş merkeziniň täzeden düzülmegi, täze nyşanlar we ulgam programmalarynyň arasyndaky sazlaşygyň güýçlendirilmegi bar. HyperOS 3-de interfeýsdäki ýazgylaryň okalyp bilinmegine aýratyn üns berilýär. Täzelenen esasy ekranda aç-açan gözleg setiri, täzelenen batareýa we Wi-Fi nyşanjyklary hem-de has akgynly animasiýalar bolar.
HyperOS 3 Android 16-a esaslanar. Şeýle-de bolsa, käbir enjamlar tehniki aýratynlyklaryna görä Android 15-de galar.
Çaklamalara görä, bu täzelenme 96 enjamy öz içine alar. Olaryň 33-si Xiaomi-niň flagman modelleri, 44-si Redmi brendi bilen çykarylan enjamlar we galan 19-sy bolsa Poco brendi bilen baglanyşykly enjamlar bolar.


düýn 11:28
1.1k+

OpenAI öz emeli aňy oturdylan enjamlarynyň ilkinji nusgalaryny döretdi

OpenAI kompaniýasy özüniň emeli aň bilen işleýän enjamlarynyň ilkinji prototiplerini taýýarlady. Bu barada kompaniýanyň baş direktory Sem Altman Apple-iň öňki baş dizaýneri Joni Aýw we Apple-iň merhum baş direktory Stiw Jobsuň aýaly Loren Pauell Jobs bilen söhbetdeşlikde mälim etdi diýip, CNBC habar berýär...

düýn 11:03
2k+

Apple-iň döredilmegi baradaky hakyky şertnama auksionda satylar, ol $4 mln diýlip bahalandyrylýar

1976-njy ýylda Apple Computer Company kompaniýasynyň döredilmegine getiren hakyky esaslandyryjy şertnama auksiona çykarylar. Resminama 4 mln dollar töweregi mukdara satylar diýlip garaşylýar. Christie's auksion öýi ony 2026-njy ýylyň 23-nji ýanwarynda satuwa çykarar...

27.11.2025 11:04
3.4k+

Internete arzan iPhone 17e-niň häsiýetnamasy ýaýradyldy: kesiksiz, Dynamic Island-ly

2026-njy ýylyň ýazynda 17-nji hataryň iň arzan aýfony bolan iPhone 17e-niň çykmagyna garaşylýar. Pudagyň seljerijisi Jeff Pu eýýäm smartfonyň nähili boljakdygyny anyklady. Onuň sözlerine görä, täzelenme düýpli bolar...

23.11.2025 20:58
4.5k+

iPhone Air-iň baş dizaýneri Apple-den gitdi

Senagat dizaýneri Abidur Çoudhuri Apple kompaniýasyndan gitdi. Ol kompaniýanyň iň soňky modelleriniň biri bolan iPhone Air-iň esasy işläp düzüjisi bolupdy diýip, 9to5mac çeşmelerine salgylanyp habar berýär. Habar beriş serişdeleriniň maglumatlaryna görä, Çoudhuri emeli aň tehnologiýalarynyň üstünde işleýän bir startapa (ýa-da başlangyja) işe girdi...