“28 ýyl soň” (28 лет спустя) filminiň dünýädäki kassa ýygymy 100 mln dollardan geçdi. Režissýor Denni Boýluň kartinasy bu görkezijä 20-nji iýunda bolan premýerasyndan soň dokuz günüň içinde ýetmegi başardy.
Film franşizada eýýäm iň köp girdeji gazanan boldy. Birinji bölüm – “28 gün soň” – prokatda 75 mln dollar, onuň dowamy “28 hepde soň” bolsa 72 mln dollar gazanypdy.
Täze filmiň býujeti 75 mln dollara barabar. Taslama harajaty ödemek üçin marketing çykdajylaryny hasaba alyp, ýene 40 mln dollar töweregi gazanmaly.
“28 ýyl soň” öňki filmleriň wakalaryny dowam etdirýän zombi-horrordyr. Sýužet ölüm ýassygyndaky ejesini halas etmek üçin lukman gözleýän oglan barada gürrüň berýär. Onuň ýoly 28 ýyl mundan ozal başlanan epidemiýadan zyýan çeken ýurduň üstünden geçýär.
