50 Cent «Street Fighter» filminde surata düşer: ol türgenleşýär, repçi hokgalary özi ýerine ýetirer

  • 30.06.2025 11:00
  • 4.4k+

50 Cent ady bilen tanalýan meşhur repçi Kertis Jekson «Street Fighter» oýny esasynda düşürilýän täze filmiň aktýorlar düzümine goşuldy. Bu barada «The Hollywood Reporter» habar berýär.

Sazanda filmde Balrogyň – baş gahrymanyň goragçysy bolan professional boksçynyň keşbini ýerine ýetirer. KHBS-niň maglumatlaryna görä, 50 Cent eýýämden yzygiderli türgenleşikleri geçirýär we filmdäki hokgalaryň ählisini özi ýerine ýetirmegi meýilleşdirýär.
Filmde şeýle hem Jeýson Momoa (Blanka), Noa Sentineo (Ken), Orwill Pek (Wega), Roman Reýns (Akuma), Endrýu Kodzi (Rýu) we Kallina Lýan (Çun Li) çykyş eder. Taslamanyň režissýory Kitao Sakuraý bolar. Surata düşüriş işleriniň awgustda Awstraliýada geçirilmegi meýilleşdirilýär.
«Street Fighter» franşizasy 1987-nji ýylda çykan ilkinji arkada oýny bilen başlady. Seriýa dünýä derejesindäki meşhurlygyny 1991-nji ýylda çykan «Street Fighter II» oýny bilen gazandy. Iň soňky bölüm bolan «Street Fighter 6» bolsa 2023-nji ýylda çykdy we ýylyň iň gowy uruş oýny (faýting) hökmünde ykrar edildi.


düýn 18:17
3.6k+

“Mortal Kombat 2” filminiň ilkinji treýleri çykdy

Warner Bros. studiýasy Mortal Kombat wideo oýunlary boýunça düşürilen filmiň dowamynyň ilkinji treýlerini hödürledi. Ol “Mortal Kombat 2” adyny aldy. Wideodan görnüşi ýaly, täze bölümiň merkezi gahrymany Jonni Keýj boldy...

düýn 18:14
1.3k+

Netflix Assassin’s Creed oýunlary boýunça serialy önümçilige goýberýär

Netflix meşhur Assassin’s Creed oýun seriýasynyň äheňinde serial düşürip başlandygyny resmi taýdan yglan etdi. Bu barada Variety neşiri habar berýär. Taslama bilen şourannerler we ýerine ýetiriji prodýuserler Roberto Patino bilen Dewid Winner meşgullanýar...

düýn 18:12
1.7k+

“Ýetginjeklik döwri” we “Ýene hereketde” 2025-nji ýylda Netflix-de iň köp tomaşa edilýän taslamalar boldy

“Ýetginjeklik döwri” (Переходный возраст) mini-serialy we “Ýene hereketde” (Снова в деле) filmi 2025-nji ýylyň birinji ýarymynda Netflix-iň iň köp tomaşa edilýän taslamalary boldy. Bu barada Variety habar berýär...

düýn 13:57
1.9k+

“Kalmar oýny” Netflix-e çärýek girdejisi boýunça rekord goýmaga kömek etdi

2025-nji ýylyň ikinji çärýeginiň jemi boýunça Netflix akym hyzmaty üçin rekord 11,08 mlrd dollar girdeji barada hasabat berdi. Bu geçen ýylyň degişli döwründäkiden 16% köpdür. Netijä, esasan, hyzmatyň iň meşhur iňlis dilli däl taslamasy bolan “Kalmar oýnunyň” ahyrky möwsüminiň çykmagy täsir etdi...