29-njy iýunda Anahaým şäherinde (Kaliforniýa, ABŞ) professional boks agşamy geçirilip, onuň esasy wakasy ilkinji agyr agram derejedäki 10 raundlyk reýting söweşi boldy. Ringe amerikaly bloger we professional boksçy Jeýk Pol bilen orta agram boýunça WBC-niň öňki dünýä çempiony, meksikaly Hulio Sezar Çawes-kiçi çykdy.
Tutluşyk doly 10 raundlap dowam edip, eminleriň biragyzdan karary bilen, Poluň ýeňşi bilen tamamlandy. Bu ýeňşiň netijesinde ol birbada iki guramanyň — WBC-niň hem-de WBA-nyň reýting sanawlaryna girmegi başardy.
28 ýaşly Pol üçin bu duşuşyk 2024-nji ýylyň noýabrynda 58 ýaşly Maýk Taýsony ýeňlişe sezewar edensoň ilkinji söweş boldy. Indi onuň hasabynda 7 ýeňiş we 1 ýeňliş bar. 39 ýaşly Çawes-kiçi bolsa karýerasynda 61 söweş geçirip, 53 ýeňiş, 1 deňlik we 7 ýeňliş bilen galýar.
