Bentley kompaniýasy Bentayga krossoweriniň brend üçin adaty bolmadyk görnüşini hödürledi — müşderiniň islegi boýunca awtoulag Candy Pink reňkde taýýarlanyldy.
ABŞ-dan bir müşderi Bentley-dan gülgüne reňkli Bentayga awtoulagyny sargyt etdi. Bu aýratyn sargyt bilen kompaniýanyň meşhur awtobezeg bölümi — Mulliner meşgullandy.
Awtoulag adatdan daşary dizaýny bilen tapawutlanýar: gülgüne reňkli kuzow bilen birlikde gara reňkli gapy tutawaçlary, tüsselik turbalary, faralaryň çarçuwalary, üçek relsleri we howa girişleri bar. Adaty Bentley modellerinde gabat gelýän hrom elementleri bu ýerde asla ýok.
Salonyň içki dizaýnyna hem şol bir gülgüne äheň dowam edýär — oturgyçlardaky deri oturtmalarda, poluň örtgülerinde we gapy panelleriniň käbir böleklerinde gülgüne reňk ulanylypdyr.
Bentley kompaniýasynyň maglumatyna görä, täze satylýan awtoulaglaryň takmynan 70%-i Mulliner tarapyndan müşderiniň islegine görä aýratynlaşdyrylýar. Şol bir wagtda 25 ýyl mundan ozal Bentley ýyllyk bary-ýogy 1500 awtoulag satýardy. Häzirki wagtda bu görkeziji 7 esse ýokarlanyp, müşderiler diňe awtoulag däl-de, hut öz islegine laýyklykda bezelen aýratyn model sargyt etmäge çalyşýarlar.
