Hytaýda täze "Zhang Ying R6000" konwertoplanynyň ilkinji ýerüsti synaglary geçirildi. Synaglaryň suratlary United Aircraft tarapyndan çap edildi.
Alty tonnalyk apparat pilotly we pilotsyz dolandyrylýan görnüşlerde döredildi. Ol 10 sany ýolagça çenli gatnatmaga niýetlenendir. Işläp düzüjileriň berýän maglumatyna görä, R6000-iň kreýser tizligi sagatda 550 kilometre, uçuşynyň aňrybaş belentligi 7620 metre, uçuş aralygy 4000 kilometre çenlidir.
Konwertoplan hem dikuçaryň, hem uçaryň häsiýetlerini birleşdirýär: dikligine-de, keseligine-de uçup bilýär. Bu bolsa ony barmasy kyn sebitlerde we dürli wezipeleri ýerine ýetirmekde - ýolagçy gatnawyndan başlap logistika we halas ediş işlerine çenli - ulanmaga amatly edýär.
