«Lion» futbol klubuny maliýe hasabatlylygyny bozandygy üçin 2-nji Liga düşürdiler

  • 25.06.2025 12:04
  • 6.7k+

Fransiýanyň Milli gözegçilik we dolandyryş direktoraty (DNCG) «Lion» futbol klubuny maliýe hasabatlarynda ýüze çykan düzgün bozmalary sebäpli 2-nji Liga düşürmek kararyna geldi. Bu barada Fransiýanyň Professional futbol ligasynyň resmi saýtynda habar berilýär.

RMC Sport neşiriniň maglumatyna görä, DNCG-niň mejlisinde klubuň maliýe ýagdaýy jikme-jik seljerildi. «Lionyň» eýesi, amerikaly telekeçi Jon Tekstor ýygnaga hut özi gatnaşyp, kluby goramak üçin düşündiriş berdi. Emma onuň getirýän delilleri komissiýa agzalary üçin ýeterlik bolmady, netijede topary Ligadan düşürmek kararyna gelindi.
Şeýle-de bolsa, «Lionyň» bu karara şikaýat etmäge hukugy bardyr.
Soňky tamamlanan möwsümde «Lion» Fransiýanyň çempionatynda altynjy orny eýeläp, Ýewropa ligasyna gatnaşmaga hukuk gazandy. 1950-nji ýylda döredilen bu klub 1989-njy ýyldan bäri Fransiýanyň 1-nji Ligasynda hemişelik çykyş edip gelýär. Ol ýurdyň iň abraýly klublarynyň biri bolup, 7 gezek Fransiýanyň çempiony, 5 gezek ýurduň Kubogynyň eýesi, 1 gezek Fransiýanyň Liga kubogyny, we 8 gezek Superkubogy gazandy.


düýn 19:36
3.6k+

“Fenerbahçe” Mourinýuny baş tälimçi wezipesinden aýyrdy, “Beşiktaş” Sulşer bilen hoşlaşdy

Stambulyň “Fenerbahçe” futbol kluby portugaliýaly Žoze Mourinýuny toparyň baş tälimçisi wezipesinden aýyrdy. Bu barada klub X sosial ulgamynda habar berdi. Çözgüt klubuň pleý-off tapgyrynda Portugaliýanyň “Benfikasyndan” utulyp, Çempionlar ligasynyň esasy tapgyryna çykyp bilmezligi bilen baglanyşykly boldy...

düýn 13:31
7.7k+

Çempionlar ligasynyň bije çekişigi geçirildi. 36 klubuň ählisi öz garşydaşyny bildi

28-nji awgustda 2025/26 möwsüminiň UEFA-nyň Çempionlar ligasynyň bije çekişigi geçirildi. Ýewropanyň esasy ýaryşyna 36 gatnaşyjynyň ählisi umumy tapgyr boýunça öz garşydaşlaryny bildi. Her topar sekiz garşydaş: reýting boýunça düzülen 4 sebediň hersinden iki topar bilen duşuşar...

düýn 07:25
8.2k+

«Altyn asyr» toparynyň AFK-nyň Çagyryş ligasyndaky garşydaşlary belli boldy

Aziýanyň Futbol Konfederasiýasy tarapyndan geçirilýän AFK-nyň Çagyryş ligasynda çykyş edýän Türkmenistandan «Altyn asyr» toparynyň toparçadaky garşydaşlary belli boldy. Malaýziýanyň paýtagty Kuala-Lumpur şäherinde geçirilen bije çekişligiň netijesinde, «A» toparça düşen paýtagtymyzyň toparynyň garşydaşlary Butanyň «Paro», Omanyň «Al-Şabab» hem-de Gyrgyz Respublikasynyň «Abdyş-Ata» toparlary boldular...

düýn 00:59
8.5k+

Erling Holand Norwegiýanyň milli ýygyndysynda täze familiýa bilen çykyş eder

“Mançester Sitiniň” hüjümçisi Erling Holand Norwegiýanyň milli ýygyndysynda geýjek köýnekçesiniň arkasyndaky familiýasyny üýtgeder. Bu barada milli ýygyndynyň sosial ulgamlardaky resmi sahypasynda habar berilýär...