Toyota GR Supra sport kupesiniň täze neslini işläp taýýarlaýar. Ýapon metbugatynyň habaryna görä, bu modeliň Lexus brendi astynda analogy peýda bolar. Iki awtoulag hem umumy platformada gurlar we gibrid elektrik güýç gurluşyny alar.
Best Car neşiriniň berýän maglumatyna görä, täze Supra öz ýapon arhitekturasynyň peýdasyna BMW Z4 platformasyndan ýüz öwrer. Esasy tehniki täzeligi gibrid bolar: turbo görnüşli 2,0 litrlik benzinli hereketlendiriji öz-özüne zarýad bermek ulgamy bilen bilelikde işlär. Yzky tekerleri hereketli, 8 ýa-da 10 tizlikli awtomatiki geçirişli we karbon kardan wally bolmagyna garaşylýar. Şeýle hem, alty silindrli Mazda elektrik güýç gurşuny ulanmagynyň mümkindigi hem agzalýar.
Lexus şol bir tehnologiýany, ýöne başga bir gurnama bilen hödürläp biler: podweskasy has ýumşak, salony - has amatly we enjamlary bolsa kaşaň bolar. Şeýle hem bu modeliň Lexus hataryndaky RC kupesiniň we LC grand-turýeriň ornuny tutjakdygy çak edilýär.
Supranyň täze nesliniň 2026–2027-nji ýyllarda satuwa çykarylmagyna garaşylýar. Lexus öz wersiýasy bilen biraz soň tanyşdyryp biler.
Toyota täze Supra-nyň işlenip taýýarlanýandygyny resmi taýdan tassyklady. Nesilleriň arasyndaky arakesme A80 bilen A90 aralygyndaky ýaly uzak bolmaz , şol gezek ol 17 ýyl bolupdy.
