Janfranko D’Attis Prada moda öýüniň baş direktory wezipesinden gidýär. WWD-niň habar bermegine görä, çözgüt ikitaraplaýyn ylalaşyk esasynda kabul edildi.
D’Attis 30-njy iýuna çenli işini dowam etdirer. Şondan soň brende wagtlaýyn ýolbaşçylyk Prada Group-yň ähli aktiwlerine gözegçilik edýän Andrea Guerra geçer.
Neşiriň çeşmeleriniň maglumatlaryna görä, D’Attis bilen kompaniýanyň ýolbaşçylygynyň arasynda dartgynlylyga sebäp bolan strategiki meseleler boýunça düşünişmezlik ýüze çykdy. Şol sebäpli brendiň baş direktory ýakynda Milanda geçirilen erkekler kolleksiýasynyň görkezilişine-de gatnaşmady.
Janfranko D’attis brende 2022-nji ýylyň ýanwarynda ýolbaşçy bolup, Prada-da esaslandyryjynyň maşgalasy bilen baglanyşykly bolmadyk ilkinji CEO boldy. Ondan öň Christian Dior Couture Americas-yň prezidenti wezipesini eýeledi.
Onuň ýolbaşçylyk eden döwründe Prada Group kaşaň moda pudagyndaky pese gaçyşy beýleki köp bäsdeşinden has gowy geçirdi. 2024-nji ýylda kompaniýa rekord maliýe netijelerini görkezdi: girdeji 17% ýokarlanyp, 5,4 mlrd ýewro ýetdi. 2025-nji ýylyň birinji çärýeginde satuw ýene 13% - 1,34 mlrd ýewro çenli ýokarlandy.
