SpaceX kosmos uçuşlary boýunça öňdebaryjylygyny saklamagy dowam etdirýär. Internet torunda hödürlenen infografika Falcon 9 raketasynyň orbita çykarylan peýdaly ýükleriň göwrümi boýunça beýleki – döwlet we hususy raketa göterijilerinden näderejede öňe geçýändigini görkezdi.
17-nji iýuna çenli ýagdaýa görä, bir ýylda Falcon 9 kosmosa 1992 tonna peýdaly ýük çykardy. Bu degişli döwürde 2356 tonna deň bolan global görkezijiniň 85%-ine barabardyr.
Deňeşdirmek üçin: 1992 tonna – bu, takmynan, 4,7 Halkara kosmos stansiýasynyň (HKS) ýa-da “Týangun” hytaý kosmos stansiýasy bilen bilelikde dört sany HKS-iň agramyna deňdir.
Galan raketalar peýdaly ýükleriň göwrümi boýunça Falcon 9-dan ep-esli yza galýar. Muňa garamazdan, umuman, kosmos işjeňligi boýunça ABŞ-dan soň ikinji orunda dürli görnüşli raketalary ulanýan Hytaý ýerleşýär.
