Honor kompaniýasy Galaxy Z Fold 7 çykmazdan öň Magic V5 modelini hödürlemek bilen eplenýän smartfonlaryň bazarynda Samsung-y gysyp çykarmak isleýär. Hytaý kompaniýasy smartfonyň suraty bilen tizer hödürläp, onuň tanyşdyryljak senesiniň 2-nji iýulda boljakdygyny yglan etdi.
Suratda ýapyk ýagdaýda smartfonyň gapdal bölegi görkezilýär. Öçürip-işletmek düwmesi we ses sazlaýjysy görünýär. Takyk ölçegler belli däl, ýöne daşky görnüşi taýdan, Honor ýapyk görnüşde 9,3 mm ýogynlykda bolan geçen ýylky Magic V3 modelinden öňe geçmegi meýilleşdirýär. Bu adaty Google Pixel 9-dan bary-ýogy bir millimetr ýogyndyr.
Tizeriň tekstinde Magic V5-iň “iň inçe we ýeňil” eplenýän smartfon, şeýle-de “EA-ly iň kuwwatly gurluş” boljakdygy görkezilýär. Mundan başga-da, PK derejesinde öndürijilik we brendleriň arasynda baglanyşyk wada berilýär.
Samsung-yň Galaxy Z Fold 7 smartfonynyň tanyşdyrylyşy bir hepde giç – 9-njy iýulda bolup biler. Öndüriji täze smartfony kompaniýanyň häzire çenli çykaran iň inçe eplenýän smartfony hökmünde görkezdi.
