Ispaniýanyň patyşasy Filipp VI “Uly tuwulga” ýaryşlarynyň 22 gezek çempiony, tennisçi Rafael Nadala markiz dworýan titulyny berdi. Bu monarhyň tagta çykmagynyň 10 ýyllygy mynasybetli geçirilen çärede bolup geçdi.
Nadal dogduk mekany Malýorkanyň markizi boldy.
Dworýan titullaryny Ispaniýanyň ýene bäş görnükli wekili – aýdymçy Lus Kasal, Paralimpiýa suwda ýüzüjisi Tereza Perales, döwlet hukukçysy Haýme Alfonsin, biohimiýa professory Karlos Lopes-Otin we fotosuratçy Kristina Garsiýa Rodero aldy.
Patyşanyň belleýşi ýaly, bu şahsyýetler ýurt üçin nusgalyk göreldedir.
“Olar Ispaniýa üçin buýsanç çeşmesi we biziň jemgyýetimizi ruhlandyrmaly gymmatlyklar üçin hemişe nusgadyr” – diýip, El Pais neşiri Filipp VI-nyň sözlerini getirýär.
Markiz tituly miras hasaplanýar we nesillere geçirilip bilner.
