25-nji iýunda Sotheby’s auksionynda imperator Napoleon Bonapartyň goşlary satylar. Auksiona Pýer-Žan Şalansonyň şahsy kolleksiýasyndan taryhy predmetler çykarylar.
Auksiondan öň dizaýner Žan-Şarl de Kastelbažak fransuz hökümdaryna bagyşlanan özboluşly sergini geçirer. Ol duman, ses effektlerini we pop-art stilinde harby nyşanlary ulanmagy wada berýär. Dizaýner Napoleony diňe bir milli gahryman däl, eýsem “kolonial häkimiýeti berkiden” hökümdar hökmünde görkezmek isleýär.
Esasy lotlaryň arasynda imperatoryň şlýapa işleri boýunça ussasy Pupar tarapyndan taýýarlanan meşhur iki burçly şlýapa (bikorn) bar. Onuň bahasy 500 – 800 müň ýewro diýlip hasaplanýar. Şeýle-de, satuwa Napoleonyň altyndan we gara agaçdan ýasalan hususy möhüri satylar. Onuň bahasy – 150 – 250 müň ýewro.
Mundan başga-da, patyşalyk ýatalgasy, Notr-Dam ybadathanasyndaky täç geýdirmek dabarasyndan gylyç we goşun serkerdesiniň portretleri hödürlener.
