18-nji iýunda Günde iň ýokary X derejeli kuwwatly alawlama bolup geçdi. Bu barada Gün işjeňligine gözegçilik merkezine salgylanyp, TASS habar berýär.
X1.3 derejeli alawlama soňky üç hepdede şeýle derejeli ilkinji alawlama boldy.
Amaly geofizika institutynyň maglumatlaryna görä, alawlama Aşgabat wagty bilen 02:49-da bolup geçdi, onuň güýji X1.2-ä ýetdi, dowamlylygy bolsa 16 minut boldy.
Gün alawlamalary rentgen şöhleleriniň güýjüne baglylykda bäş synpa bölünýär: A, B, C, M we X. Iň pesi bolan A0.0 Ýeriň orbitasynda bir inedördül metrde 10 nanowatt şöhlelenme güýjüne deňdir. Indiki harpa geçende kuwwat 10 esse artýar.
Alawlamar Gün plazmasynyň zyňyndylary bilen bilelikde bolup geçýär, onuň bulutlary Ýere ýeten ýagdaýynda magnit tupanlary döräp bilýär.
