Indoneziýada Lewotobi Laki-laki wulkany atylyp başlandy diýip, SindoNews neşiri habar berýär. Ýerli wulkanologiýa merkeziniň maglumatlaryna görä, kül sütüni dagyň çür depesinden 10 müň metre göterildi.
Wulkana gözegçilik nokadynyň işgärleri ýerli ýaşaýjylara we syýahatçylara wulkanyň golaýynda bolmagyň howpludygyny duýdurdy. Käbir ýerlerde kül zyňyndylarynyň netijesi 5 kilometre ýetip biler.
Lewotobi wulkany Indoneziýanyň Flores adasynyň günorta-gündogar böleginde ýerleşýär. Ol iki depeden ybarat: Laki-Laki we Perempuan.
2023-nji ýylda Lewotobi Laki-lakiniň atylmagy on adamyň pidasyna getirdi diýip, BBC belleýär. Lawa akymlary dört kilometr radiusda birnäçe obany weýran etdi. Şol wagt golaýdaky ilatly nokatlardan 6,5 müň adam ewakuasiýa edildi.
Indoneziýa Ýuwaş umman otly halkasynyň – seýsmiki işjeňligiň ýokary bolan zolagyna girýär. Bu ýerde ýertitremeler we wulkanlaryň atylmagy yzygiderli bolup geçýär. Ýurduň çäginde 328 işjeň wulkan bar.
