Universal Pictures “Ýura eýýamynyň dünýäsi: Galkynyş” (Мир Юрского периода: Возрождение) filminiň täze tizer-treýlerini hödürledi. Wideo “Dinozawrlar Ýeri dolandyrýar” ady bilen çykdy. Filmiň premýerasy 2025-nji ýylyň 2-nji iýulyna meýilleşdirilýär.
Waka geçenki filmiň – “Ýura eýýamynyň dünýäsi: Agalygyň” (Мир Юрского периода: Господство) finalyndan bäş ýyl soň bolup geçýär. Sýužet boýunça dinozawrlar täze şertlerde ýaşaýyş üçin göreşýär.
Ylmy gözlegçileriň topary taryhdan öňki üç ägirt jandaryň DNT-sini almak üçin uzakdaky ekwatorial sebitlere ugraýar. Maksat lukmançylykda adamzadyň geljegine täsir edip biljek öňegidişligi gazanmakdan ybarat.
Filmde baş keşpleri Skarlett Ýohansson, Maherşala Ali we Jonatan Beýli ýerine ýetirdi. Şeýle-de, aktýorlar düzümine Rupert Frend, Manuel Garsiýa-Rulfo, Luna Bleýz we beýlekiler girdi.
Filmiň režissýory bolup Garet Edwards çykyş etdi. Ol ozal 2014-nji ýylyň “Godzilla” we 2016-njy ýylyň “Ýyldyz söweşleri” filmleriniň üstünde işledi.
