BMG-niň Bütindünýä ummanlar güni (8-nji iýun) mynasybetli geçiren 12-nji «UNWOD» (United Nations World Oceans Day) surat bäsleşiginiň ýeňijileri yglan edildi.
Bäsleşigiň emin agzalary dört nominasiýa boýunça iň gowy işleri saýladylar. Dünýäniň dürli künjeklerinde düşürilen 15 surat finala çykdy.
«Suwasty ýaşaýjylaryň portretleri»
1-nji orun — Ýapon deňzinde gark bolan gäminiň ýanynda, 30 metr çuňlukda düşürilen ýapon şlemonosesi / © Andreý Nosik
2-nji orun — Filippinleriň garaňky suwlarynda Tremoctopus toparyndan seýrek plaşly osminog / © Jakomo Markione
3-nji orun — Antarktidada kamera tarap «ýylgyrýan» alajagaplaň düwleni / © Lars fon Ritter Zahoni
«Suwasty peýzažlar»
1-nji orun — Raja-Ampat arhipelagyndaky kölde ýüzüp ýören millionlarça meduza / © Dani Eskaýola
2-nji orun — Mawrikiýadaky arassalaýyş stansiýasynyň töwereginde ýüzüp ýören skatlar. Merjenleriň agarýandygy sebäpli, bu ýerleri görmek gitdigiçe kynlaşýar / © Jerald Ramber
3-nji orun — Tenerifeniň kenaryndaky bazalt sütünler / © Pedro Karrilýo
«Täsin: bizi goldaýan zady goldamak»
1-nji orun — Fransuz Polineziýasynyň kenarýakasynda düşürilen «Mylaýym gyzjagaz» atly äpet kitiň gözi. Dört gün soň äpet jandar gäminiň urgusy sebäpli heläk boldy / © Reýçel Mur
2-nji orun — Indoneziýada hereketdäki ýagty narynç ýüzgüçli ýaş batfiş / © Luis Arpa Toribio
3-nji orun — Kubada garyndaşlarynyň arasynda ýüzüp ýören rif akulasy (uzak wagt açyk goýlan kamerada düşürilen) / © Stiwen Lopes
Eminleriň aýratyn bellän işi — Awstraliýanyň Ningalu rifinde bile ýüzüp ýören iki äpet kit / © Olli Klark
«Suwüsti peýzažlar»
1-nji orun — Awstraliýanyň Şark-Beý aýlagy etrabyndaky kölüň howadan düşürilen suraty: ýaşyl laguna, ak çäge we gyzyl dýunalar / © Leander Nardin
2-nji orun — Şetland adalarynyň gaýalary we demirgazyk sulalary / © Nur Taker
3-nji orun — Antarktidanyň Paradaýz buhtasyndaky (kiçiräk aýlag) Suares buzlugynyň şöhlelenmesi / © Andreý Nosik
Surat bäsleşigi BMG-niň başlangyjy bilen 2008-nji ýyldan bäri geçirilýär. Guramaçylyk işlerini suwasty suratçylary we wideograflary birleşdirýän «DivePhotoGuide» platformasy alyp barýar. Bäsleşigiň maksady – ummanlaryň gözelligine we näzikligine üns çekmek hem-de adamlary olary goramaga ruhlandyrmak.
