Toyota geljek ýyl Highlander krossoweriniň täze neslini çykarmagy meýilleşdirýär. Bu model Hytaýda işlenip düzüler. Sienna awtoulagynyň indiki wersiýasy hem HHR-de şuňa meňzeş görnüşde dörediler diýip, CarNewsChina habar berýär.
Highlander modeli bölekleýin elektrik hereketlendirijili ulaga öwrüler: adaty içinden ýandyrylýan ýangyç hereketlendirijisi yzygider-gibrid enjam bilen çalşyrylar. Häzirki platforma galar, ýöne ol döwrebaplaşdyrylar. Daşky we içerki görnüşleri hem köp babatda täzelener.
Toyota bar bolan hytaý hyzmatdaşlary GAC we FAW bilen hyzmatdaşlygyny çuňlaşdyrmak we täzeleri bilen gatnaşyk gurmak isleýär. Mümkin bolan täze hyzmatdaşlar hökmünde Momenta başlangyjy, Huawei we Xiaomi agzalýar.
Neşiriň berýän habaryna görä, täze strategiýa diňe bir modelleri täzelemegi däl, eýsem FAW bilen bilelikde täze modeli döretmegi hem göz öňünde tutýar. Ol Hongqi brendiniň platformasynda gurlar.
Şeýlelikde, Toyota Hytaý bazaryndaky gatnaşygyny giňeldýär. Bu Hytaý üçin diňe elektrik ulaglaryny öndürmek baradaky ozal yglan edilen meýilnamalaryň çäginden çykýar. Täze önümleriň Hytaýyň daşynda hödürlenjegi-hödürlenmejegi entek belli däl.
