Hytaý jogapkärli inženerler tarapyndan işlenip taýýarlanan dünýäde iň uly AG600 amfibiýa uçarynyň köpçülikleýin önümçiligine başlady. Uçar ýangynlary söndürmek we halas ediş işlerini geçirmek üçin niýetlenýär diýip, Hytaýyň awiasiýa senagaty korporasiýasy habar berdi.
South China Morning Post neşiriniň korporasiýa salgylanyp habar bermegine görä, Hytaýyň Raýat awiasiýasy edarasy (CAAC) AG600-i köpçülikleýin öndürmäge rugsat berýän şahadatnamany berdi.
AG600 Hytaýda taslanan iň uly uçarlaryň biri boldy. Sinhua agentliginiň maglumatlaryna görä, uçaryň uzynlygy 38,9 metre, beýikligi 11,7 metre, ganatlarynyň gerimi 38,8 metre barabar. Iň ýokary uçuş agramy 60 tonna, uçuş aralygy bolsa 4,5 müň kilometre ýetýär.
Uçar ýangyny söndürmek üçin 12 tonna çenli suw göterip bilýär. Ony suwda halas ediş işleri üçin ulanmak, şeýle-de deňiz gurşawyna gözegçilik etmek, ýolagçylary we ýükleri daşamak hem-de tebigy baýlyklary gözlemek üçin goşmaça enjamlar bilen üpjün etmek meýilleşdirilýär.
