Matematikler çylşyrymly meseleleri çözmekde emeli aňdan geçip bilmediler

  • 14.06.2025 12:35
  • 4k+

Kaliforniýanyň Berkli şäherinde Epoch AI tarapyndan gurnalan iki günlük ýapyk çäre geçirildi.

Çärede dünýäniň 30 sany öňdebaryjy matematigi OpenAI-yň o4-mini çat-boty bilen bäsleşdi. Maksat neýro ulgamyň çylşyrymly logiki piker ýörediş ukybyny barlamakdy.
Alymlara synagyň arassalygyny üpjün etmek üçin çäräni ara alyp maslahatlaşmak gadagan edildi diýip, Scientific American neşiri çäre barada üç hepde soň habar berdi.
Matematikler okuwçylara niýetlenenden başlap barlaglar üçin düzülene çenli dürli derejedäki çylşyrymly 300 özboluşly meseläni taýýarladylar. 2024-nji ýylyň iýulynda tygşytly model hökmünde tanyşdyrylan o4-mini eýýäm taýýarlyk döwründe meseleleriň takmynan 20%-ini çözdi. Duşuşykda alymlar aýratyn kyn on soragy teklip etdiler. AI-niň çözüp bilmejek her bir meselesi üçin awtora 7500 dollar möçberinde pul baýragy goýuldy.
Çat-bot gatnaşyjylary haýran galdyrdy. Mysal üçin, ol doktorlyk dissertasiýasy derejesindäki ýokary arifmetika degişli birnäçe meseläni üstünlikli çözdi. Taslamanyň dolandyryjysy, kazy we matematik Ken Ononyň belleýşi ýaly, neýroulgam edebiýaty öwrendi, meseläni ýönekeýleşdirdi we hakyky wagtda dogry çözgüt hödürledi.
Ol: "Munuň ýaly pikirlenmäni öň modellerde görmändim. Bu matematik alymyň edýän zady. Bu gorkuzýar" – diýdi.
Alymlar o4-mini petige direýän on meseläni tapan hem bolsalar, AI-niň ösüşine haýran galdylar. Neýroulgam adamyň hepdelerini ýa-da aýlaryny aljak birnäçe meseläni minutda çözdi. Gatnaşyjylar o4-mini-iň käbir ugurlar boýunça dünýäniň iň gowy aspirant talyplaryndan öňe geçendigini ykrar etdiler.


düýn 15:08
3k+

Ilon Maskyň Grok çat-boty sähel salymda sesli wideo döredip biler

Ilon Maskyň xAI kompaniýasy tarapyndan döredilen Grok çat-boty Aurora modelinde işleýän Imagine wideo döretmek funksiýasyna eýe bolar. Bu barada Grok topary X sosial ulgamynda habar berdi. Imagine funksiýasy ulanyjylara tekst beýanynyň esasynda derrew sesli wideo döretmäge mümkinçilik berer...

düýn 14:51
636

Bragi we OpenAI nauşnikler üçin ChatAI ses kömekçisini işe girizer

Ozal akylly nauşnikleri öndüriji hökmünde belli bolan, häzir bolsa audiogajetler üçin platformalary işläp düzýän Bragi nemes kompaniýasy OpenAI bilen hyzmatdaşlyk barada yglan etdi. Bilelikdäki taslama ChatAI adyny aldy – bu GPT 4...

31.07.2025 13:37
2.5k+

OpenAI-iň ýolbaşçysy ChatGPT bilen söhbetiň kazyýetde ulanylyp bilinjekdigini duýdurdy

OpenAI-iň baş direktory Sem Altman ChatGPT bilen ýazyşylan gürrüňdeşlikleriň kazyýetiň talaby boýunça görkezilip bilinjekdigini aýtdy. Bu barada ol Teo Wonuň podkastynda habar berdi. Altman barha köp ulanyjynyň ChatGPT bilen şahsy aladalaryny we syrlaryny paýlaşyp, ondan maslahat soraýandygyny aýtdy...

29.07.2025 11:30
1.1k+

YouTube Shorts-da indi suratlardan we tekstden wideo döretmek üçin gurallar peýda boldy

YouTube Shorts gysga dik wideolaryň döredilmegini aňsatlaşdyrmak üçin AI bilen işleýän täze gurallary hödürledi. Bu barada wideo hyzmatynyň blogunda habar berilýär. Täze girizilen gurallaryň arasynda suraty wideo öwürýän funksiýa, AI-animasiýaly wideo effektler, şeýle hem tekst görkezmelerine esaslanyp wideo, şekil we saz döretmäge mümkinçilik berýän AI Playground redaktoryny öz içine alýar...