“Tottenhem” “Brentforddan” Tomas Franky baş tälimçi wezipesine belledi

  • 14.06.2025 10:23
  • 1.9k+

“Tottenhem” Tomas Frankyň baş tälimçi wezipesine bellenendigini yglan etdi. 51 ýaşly daniýaly hünärmen bilen şertnama 2028-nji ýyla çenli hereket eder.

Frank täze wezipede Enj Postekogluny çalyşdy. KHBS-iň maglumatlaryna görä, “Brentford”, takmynan, 12 mln ýewro möçberde öwez tölegine tälimçini goýbermäge razy boldy.

“Biz futbolda ösen we döredijilikli baş tälimçileriň biri bolan Tomasy belleýäris. Onuň oýunçylary we topary ösdürmekde üstünlikli tejribesi bar. Biz onuň geljekki möwsümde topara ýolbaşçylyk edip başlamagyna sabyrsyzlyk bilen garaşýarys” – diýlip, klubuň beýanynda aýdylýar.

APL-iň geçen möwsüminde “Tottenhem” 17-nji orny eýeledi, ýöne Ýewropa ligasynyň ýeňijisi boldy.
Frank “Brentforda” 2018-nji ýyldan bäri ýolbaşçylyk etdi. Onuň başda durmagynda topar 2021-nji ýylda Çempionşipden Premýer-liga çykdy. APL-iň dört möwsüminde klub 13-nji, 9-njy, 16-njy we 10-njy orunlary eýeledi. Geçen möwsümde “Brentford” 66 gol geçirdi. Bu görkeziji babatda ol bäşinji ýerde durýar. 


şu gün 13:04
1.4k+

Koul Palmer Klublaýyn dünýä çempionaty – 2025-iň iň gowy oýunçysy diýlip ykrar edildi

2025-nji ýylyň Klublaýyn dünýä çempionaty ýaryşynyň jemi boýunça aýry-aýry nominasiýalarda ýeňijiler yglan edildi. Ýaryşyň iň gowy oýunçysy “Çelsiniň” angliýaly ýarymgoragçysy Koul Palmer boldy. Ol alty oýna gatnaşyp, üç gol we iki assist bilen tapawutlandy...

şu gün 07:35
6.5k+

“Çelsi” “PSŽ-ni” utup, Klublaýyn dünýä çempionatynyň ýeňijisi boldy

Londonyň “Çelsisi” Klublaýyn dünýä çempionatynyň finalynda Fransiýanyň “PSŽ” toparyny 3:0 hasabynda utdy. Aýgytly oýun Ist-Raterforddaky (ABŞ) “Metlaýf” stadionynda geçirildi. Gollaryň ählisi oýnuň birinji ýarymynda girizildi...

12.07.2025 19:10
4.2k+

“Kristal Pelas” eýeçilik meselesi sebäpli Ýewropa ligasyna gatnaşmakdan mahrum edildi

Ýewropa Futbol Assosiasiýalary Bileleşigi (UEFA) Londonyň “Kristal Pelas” klubuny onuň eýeçilik gurluşy bilen bagly bähbitleriň ters gelýändigi sebäpli, Ýewropa ligasyndan Konferensiýalar ligasyna düşürdi. Bu karar amerikaly telekeçi Jon Tekstoryň iňlis toparynda-da, Fransiýanyň “Lion” klubunda-da paýynyň bardygy bilen baglanyşykly kabul edildi...

12.07.2025 19:04
7.3k+

“Liwerpul” Diogu Žotanyň hatyrasyna 20-nji belgini hemişelik dolanyşykdan aýyrdy

“Liwerpul” futbol kluby toparyň aradan çykan hüjümçisi Diogu Žotanyň hatyrasyna 20-nji belgini dolanyşykdan aýyrýandygyny habar berdi. Bu barada klubuň saýtynda ýerleşdirilen resmi beýanda aýdylýar. “Bu onuň buýsanç we mertebe bilen göteren, köp sanly ýeňişlere getiren belgisidi...