Meşhur Google Chrome brauzeri indi köne Apple enjamlarynda täzelenmez. MacRumors portalynyň habar bermegine görä, bu birnäçe iPhone we iPad modellerine degişli bolar.
Deslapky maglumatlara görä, geljekki Chrome wersiýalary aşakdaky enjamlary goldamaz:
- iPhone X;
- iPhone 8;
- iPhone 8 Plus;
- 5-nji nesil iPad;
- Birinji nesil 9,7 dýuýmlyk iPad Pro;
- Birinji nesil 12,9 dýuýmlyk iPad Pro.
Bu üýtgeşmeleriň sebäbi, brauzeriň täze wersiýalarynyň iOS 17 we iPadOS 17 operasion ulgamlaryny talap etmegidir. 2017-nji ýylda çykan smartfonlar bu operasion ulgama çenli täzelenip bilmeýär. Sanawda görkezilen planşet modelleri hem köne hasaplanýar.
Chrome-yň bu enjamlara goldawy bes etjek täzelenmesiniň çykjak senesi heniz anyk belli däl. Häzirki wagtda 138.7204.13 wersiýasy TestFlight arkaly beta synagdan geçirilýär. Giňişleýin maglumat soň mälim ediler.
